३० बर्ष जागिर,१८ वर्षमा बढुवा, पश्चिमका अधिकांशको बल्ल पालो

नेपाल प्रहरीका ९८ जना सब इन्स्पेक्टर (सई) हिजो बिहान पाँच बजेको सूचनाअनुसार इन्स्पेक्टरमा बढुवा भएका छन् । १५ देखि १८ वर्ष सईमा सेवा गरेकाहरु इन्सपेक्टर भएका हुन् ।

सबैभन्दा लामो समयसम्म सईमा बसेका हरि श्रेष्ठलाई अन्तिम नम्बरमा राखेर फुली थपिएको छ । ९७ नम्बरमा बढुवा भएका श्रेष्ठ २०६१ सालको ब्याचका हुन् ।

यसपटक २०६१,२०६२ र २०६३ ब्याचका नायव निरीक्षकहरु इन्सपेक्टर भएका हुन् । त्यसमध्ये सुदूर पश्चिमका धेरै जना छुटेको र आफ्नो भेगका शेरबहादुर देउवा प्रधानमन्त्री भएसङ्गै उहाँका बडीगार्डसमेत उतैकाहरु समेटिएको बताइन्छ । सुदूरपश्चिमको थर चन्द,देउवा अधिकांश भएकाले पनि उक्त आरोप लागेको हो ।

नेपाल प्रहरीमा ३० वर्ष मात्रै सेवा अवधि काम गर्न पाइन्छ । तर, एउटै पोष्टमा १८ वर्ष बिताउनेको हालत के हुने ? बाँकी अवधि जम्मा १२ वर्ष रहन्छ ।

नयाँ सरकारको गठनपछि प्रहरीमा हुनुपर्ने लेखापालको सरुवासमेत निस्केको छैन । असार ३१ गते निस्किनुपर्ने उक्त सरुवा हालसम्म ननिस्केपछि त्यसमा पनि पश्चिमकै शक्ति लागेको भन्न थालिएको छ ।