हतारमा भीम रावलको राजीनामा,फुर्सदमा फिर्ता « Jana Aastha News Online
Logo
८ माघ २०७८, शनिबार
|  Sat Jan 22 2022
Logo
८ माघ २०७८, शनिबार
|  Sat Jan 22 2022

हतारमा भीम रावलको राजीनामा,फुर्सदमा फिर्ता

प्रकाशित मिति :  ८ श्रावण २०७८, शुक्रबार १३:०८


प्रधानमन्त्री शेरबहादुर देउवालाई विश्वासको मत दिने विषयमा आफ्नै समूहमा कुरा बाझिएपछि आक्रोशित भएर सांसद पदबाट राजीनामा दिनुभएका एमाले उपाध्यक्ष भीम रावल आफ्नो निर्णयबाट ‘ब्याक’ हुनुभएको छ ।

आफ्नो निर्वाचन क्षेत्रका मतदाता, आमजनता र पार्टी सदस्यहरुको आग्रहअनुसार भन्दै रावलले आज राजीनामा फिर्ता लिनुभएको हो । सिंहदरबारस्थित संसद सचिवालयमा सभामुख अग्नि सापकोटालाई भेटेर उहाँले भर्खरै राजीनामा फिर्ता लिनुभएको छ ।विश्वासको मतको विपक्षमा उभिने आफ्नो प्रस्तावमा वरिष्ठ नेता माधव नेपालसहित नेपाल समूहका अधिकांश नेताहरु असहमत भएपछि रावलले साउन ३ गते अपरान्ह राजीनामा दिनुभएको थियो ।

आफ्नै समूहका नेता सुरेन्द्र पाण्डेले राजीनामाको निर्णयबाट पछि हट्न गरेको आग्रह रावलले पत्रकारहरुकै साम्मुन्ने अस्वीकार गर्नुभएको थियो । शीर्ष नेताका कारण राजीनामाको निर्णयमा पुग्नुपरेको उहाँले त्यतिबेला दाबी गर्नुभएको थियो ।

यसअघि एमाले अध्यक्ष केपी ओली र वरिष्ठ नेता नेपालले रावललाई राजीनामा फिर्ता लिन सुझाउनु भएको थियो ।


प्रतिक्रिया दिनुहोस !