ओलीको बैठकमा माधवको अवरोध - Jana Aastha News Online Jana Aastha News Online
१७ श्रावण २०७८, आईतवार

ओलीको बैठकमा माधवको अवरोध



नेकपा एमालेको दुईपक्षीय विवाद अन्तत: कुटाकुटको स्थितिमा पुगेको छ । केन्द्रमा नेताहरुबीच अन्तरकलह चर्किएका बेला स्थानीय तहक कार्यकर्ताहरु भौतिक आक्रमणमा उत्रिएका हुन् ।

एमाले अध्यक्ष केपी ओलीको गृहप्रदेश र वरिष्ठ नेता माधव नेपाल पक्ष बलियो मानिएको प्रदेश १ को मोरंगमा आज दुई पक्षका कार्यकर्ताले कुटाकुट गरेका हुन् । ओलीपक्षको नगर कमिटी बैठक बसिरहेको ठाउँमा नेपालपक्षका कार्यकर्ताले अवरोध गर्न खोज्दा उत्पन्न तनाव कुटाकुटमा परिणत भएको बताइन्छ ।

बताइएअनुसार उर्लाबारी नगरपालिका-८ खाईवा चोकस्थित एभरेष्ट होटलको मिटिङ हलमा ओलीपक्षको नगर कमिटीको बिस्तारित बैठक बस्दै थियो । जिल्ला अध्यक्ष ऋषिकेश पोखरेलको अध्यक्षतामा बस्न लागेको बैठकमा नेपाल पक्षका कुमार सुब्बा नेतृत्वमा आएका एक दर्जन कार्यकर्ताले अवरोध गरेका थिए ।

सुब्बा नेतृत्वको टोलीले मिटिङ हलभित्रका फर्निचर,झ्यालका सिसा फुटाउनुको साथै कार्यक्रमको ब्यानरसमेत च्यातेर फ्यालेको ओलीपक्षले आरोप लगाएको छ । नेपाल पक्षले भने घटनामा आफ्नो संलग्नता अस्वीकार गरेको छ ।

Tags :

प्रतिक्रिया दिनुहोस !

सम्बन्धित खबरहरु

जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
मन्त्रीलाई स्वागत गर्दैमा रोकियो श्रीमानहरुको सरुवा
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add