देउवालाई १२ भोट बढ्यो,ओलीपक्ष बाहेक सबैले विश्वासको मत दिने
जनता समाजवादी पार्टी (जसपा)को महन्थ ठाकुर खेमाले पनि प्रधानमन्त्री शेरबहादुर देउवालाई विश्वासको मत दिने भएको छ । यसअघि केपी ओली नेतृत्वको सरकारमा गएको महन्थ खेमा अहिले देउवालाई विश्वासको मत दिन तयार भएको हो ।
ठाकुरलाई पत्र लेखेर आज प्रधानमन्त्री देउवाले विश्वासको मत माग्नुभएको थियो । आफ्नो पक्षका सांसदहरु भटाभट उपेन्द्र यादव खेमामा जान थालेपछि ठाकुर विश्वासको मत दिन बाध्य भएको बताइएको छ ।
१२ जना सांसदमा झरेको ठाकुर खेमा विश्वासको मतको पक्षमा उभिएपछि प्रधानमन्त्री देउवालाई सजिलै बहुमत पुग्ने भएको छ । यो संगै संसदका प्रमुख चार दलमध्ये एमालेको ओलीपक्ष बाहेक सबै विश्वासको मतको पक्षमा पुगेका छन् ।
यता,जसपाले विभाजनको कानुनी मान्यता नपाउँदै संसद बैठकमा दुई पक्ष विभाजित भएको छ । आजको बैठकमा ठाकुर पक्ष विपक्षी बेञ्चमा बसेको छ भने उपेन्द्र समूह सत्तापक्षको बेञ्चमा छ ।
टिप्पणीहरू