तिनी पनि टिकेनन् त्यो ठाउँमा « Jana Aastha News Online
Logo
१४ आश्विन २०७९, शुक्रबार
|  Fri Sep 30 2022
Logo
१४ आश्विन २०७९, शुक्रबार
|  Fri Sep 30 2022

तिनी पनि टिकेनन् त्यो ठाउँमा

प्रकाशित मिति :  २४ पुष २०७३, आईतवार ०८:१५


आफ्नालागि करोडांै पर्ने विलासी सरसामान खरिद गरेका चलचित्र विकास बोर्डका अध्यक्ष राजकुमार राईको अभद्र व्यवहारका कारण वरिष्ठ गीतकार यादव खरेल राजीनामा ठोकेर हिँड्न विवश भएका छन् ।

खरेल चलचित्र विकास बोर्ड मातहतको राष्ट्रिय चलचित्र नीति कार्यान्वयन अनुगमन तथा मूल्यांकन समितिमा संयोजक थिए । उनले शेरधन राई सञ्चारमन्त्री हुँदा १९ साउनको मन्त्रिपरिषद्को निर्णयबाट अध्यक्षको जिम्मेवारी पाएका छन् । खरेल बस्न कुर्सी र कोठासमेत नपाएसँगै राजीनामा दिएर हिँडेका हुन् ।

खरेलसहित हरिहर शर्मा, युवराज लामा, राजकुमार राई, श्याम सापकोटा, शान्तिप्रिय, सबनम मुखिया, वसन्तकुमार रूपाखेती सदस्य रहने गरी समिति बनेको हो । यसको अफिस बोर्डमै राख्ने भनिएको थियो । समितिको सदस्य सचिवमा सञ्चार मन्त्रालयका कानुन हेर्ने उप–सचिव पुष्कर नेपाल थिए । खरेलले पटक–पटक कार्यालयको व्यवस्था गरिदिन आग्रह गरेका छन् । बोर्ड अध्यक्ष राजकुमार राईले स्थान दिन इन्कार गरेसँगै खरेलले राजीनामा दिएका हुन् । पाँच महिनासम्म पंगु बनाइएपछि वरिष्ठ गीतकार खरेलले राजीनामा दिएको जनआस्थालाई प्रतिक्रिया दिए ।

पछिल्लो समय राईले झण्डै ५ करोड माथिको विलासी सरसामान खरिद गरेको बोर्ड स्रोतले जनाएको छ । त्यहाँ अत्याधुनिक प्रेक्षालय, आफ्नो कार्यकक्ष निर्माणका नाममा राईले करोडांै खर्चेका छन् । आफू निकटका संघसंस्थालाई अवार्ड वितवरणका नाममा करोडौं बाँडेको समेत भेटिएको छ । राष्ट्रिय गानको भिजुअलाइज गर्ने, दोलखामा सुटिङ स्थल निर्माण गर्ने नाममा बोर्डको करोडौं रकम हावामा उडाएको भन्दै उजुरी सञ्चार मन्त्रालय हुँदै अख्तियारसम्म पुगेको छ ।


प्रतिक्रिया दिनुहोस !