भारतीय ज्वाईंलाई छोरा बनाएर नागरिकता दिन खोज्दा - Jana Aastha News Online Jana Aastha News Online
१७ श्रावण २०७८, आईतवार

भारतीय ज्वाईंलाई छोरा बनाएर नागरिकता दिन खोज्दा



नक्कली कागजात र सनाखत गर्ने ब्यक्तिसहित वडाध्यक्षको हस्ताक्षर किर्ते गरी नेपाली नागरिकता लिन खोज्ने एक भारतीयसहित दुई जनालाई प्रहरीले पक्राउ गरेको छ। पक्राउ पर्ने सप्तरी राजविराज नगरपालिका १५, देउरी भरुवाका देबन यादव र भारतीय नागरिक शिवनन्दन यादव हुन् । देवनले बाबु बनेर नागरिकता बनाइदिन खोजेका शिवनन्दन भने उनका ज्वाईं भएको खुलेको छ।

हिजो जिल्ला प्रशासन कार्यालय, सप्तरीमा नागरिकता बनाउन आएका बेला पक्राउ परेका हुन् । उनीहरुले वडाध्यक्षको हस्ताक्षर समेत किर्ते गरेको जिल्ला प्रहरी कार्यालयले जनाएको छ । उनीहरूले जिल्ला प्रशासन कार्यालयका प्रशासकीय अधिकृतले नागरिकतामा हस्ताक्षर गर्नै लागेका बेला अपरिचित व्यक्तिले फोन गरी देवन र शिवनन्दनले किर्ते गरेर नागरिकता बनाउन खोजेको जानकारी गराएका थिए ।

त्यही फोनको आधारमा उनीहरू पक्राउ परेको जिल्ला प्रशासन कार्यालयका प्रशासकीय अधिकृत किशोर रामले बताउनुभयो । फोनमा जानकारी पाएपछि वडा अध्यक्ष रामप्रसाद यादवलाई बोलाएर जाँच गर्दा हस्ताक्षर समेत नक्कली देखिएको रामको भनाई छ । प्राय: सवै कुरा नक्कली देखिएपछि लगत्तै प्रहरी बोलाएर दुबैलाई पक्राउ गरिएको थियो ।

शिवनन्दनले आफू नेपाली नागरिक नै भएको दावी गर्दै वडाध्यक्षको हस्ताक्षर पनि सक्कली भएको र आफूहरुको वारेमा भ्रम फैलिएपछि वडाध्यक्षले पनि कुरा फेरेको दावी गरेका छन् । तर, स्थानीयले भने शिवनन्दन भारतीय नागरिक भएको बताए ।

यस बिषयमा थप अनुसन्धान भइरहेको जिल्ला प्रशासन कार्यालय सप्तरीका सिडिओ जयनारायण आचार्यले बताउनुभयो । पक्राउ परेका दुवै जनामाथि गलत विवरण भरी नागरिकता लिन प्रयास गरेको र सरकारी कागजात किर्ते गरेकोले मुद्दा चलाइने भएको छ ।

Tags :

प्रतिक्रिया दिनुहोस !

सम्बन्धित खबरहरु

एमसीसीको विरोधमा भोलि दिउँसो भरतपुरको चौबीसकोठीमा जुलुस र धर्ना हुने
जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add