एमाले बैठक रोकियो,मन्त्री छान्ने जिम्मा प्रचण्डलाई तोकियो - Jana Aastha News Online Jana Aastha News Online
१७ श्रावण २०७८, आईतवार

एमाले बैठक रोकियो,मन्त्री छान्ने जिम्मा प्रचण्डलाई तोकियो



अहिले १ बजे बस्ने भनिएको नेकपा एमालेको स्थायी कमिटी बैठक स्थगित भएको छ । १० बुँदे सहमति अनुमोदन र सर्वोच्च अदालतको फैसलापछि उत्पन्न परिस्थितिबारे छलफल गर्न बोलाइएको बैठक प्रधानमन्त्री केपी शर्मा ओलीले देशवासीका नाममा सम्बोधन गर्ने कार्यक्रम तय भएकाले स्थगित भएको बताइएको छ ।

यसअघि हिजो साँझका लागि बोलाइएको बैठक पनि स्थगित भएको थियो । माधव नेपाल पक्षसहितको बैठक बसेर कार्यदलको प्रस्ताव पारित गर्ने तयारी थियो । तर,बरिष्ठ नेता माधव नेपाल कार्यदलको प्रस्तावमा सहमत नभएपछि बैठक स्थगित भएको बताइन्छ ।

सहमतिबारे नेता नेपाललाई बुझाउन बिहान कार्यदलका सदस्यहरु कोटेश्वर पुगेका छन् । आज बिहानै उपाध्यक्ष भीम रावलले नेता नेपाललाई भेट्नुभएको थियो ।

यता,नेकपा (माओवादी केन्द्र) को स्थायी कमिटी बैठक पार्टी मुख्यालय पेरिसडाँडामा भर्खर सकिएको छ । सरकारमा जाने मन्त्रीको नाम सिफारिस गर्न बैठक बसेको माओवादी केन्द्रका एक स्थायी कमिटी सदस्यले जानकारी दिए । उनका अनुसार बैठकले मन्त्री टुंगो लगाउने जिम्मा अध्यक्ष पुष्पकमल दाहाल प्रचण्डलाई दिएको छ । बैठकले हिजोको फैसलाको स्वागत गर्दै अदालतलाई धन्यवाद दिने निर्णय गरेको बताइएको छ ।

माओवादीले गठबन्धन सरकार सञ्चालनका विधि र प्रक्रियाबारे काँग्रेससँग थप छलफल गरेर सरकारमा जाने मन्त्रीको नाम दिने तयारी गरेको बुझिएको छ । पम्फा भुसाल, जनार्दन शर्मा, देव गुरुङ्ग, देवेन्द्र पौडेल लगायत मन्त्रीको चर्चामा छन् ।

Tags :

प्रतिक्रिया दिनुहोस !

सम्बन्धित खबरहरु

एमसीसीको विरोधमा भोलि दिउँसो भरतपुरको चौबीसकोठीमा जुलुस र धर्ना हुने
जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add