अदालतको फैसलावारे ओलीपक्षीय अनेरास्ववियुको आन्तरिक छलफल

नेकपा एमालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्वियु) को अध्यक्ष केपी शर्मा ओली खेमाले आन्तरिक छलफल शुरु गरेको छ । उक्त पक्षका विद्यार्थी नेताहरुले भृकुटीमण्डपस्थित अनेरास्ववियुको केन्द्रीय कार्यालयमा ‘गहन’ छलफल गरेको बताइएको छ ।

बिहान पौने १० बजेदेखि झण्डै एक घण्टा गरिएको छलफलमा एमाले राष्ट्रियसभा सदस्य तथा सचेतक खिमलाल भट्टराई,अनेरास्ववियुका केन्द्रीय अध्यक्ष ऐन महरलगायतको उपस्थितिे थियो ।

बैठकमा अनेरास्ववियुको आन्तरिक विषयमा छलफल गरिएको बताइएको छ । तर स्रोतले सर्वोच्च अदालतबाट आगामी साता हुने प्रतिनिधिसभा विघटनविरुद्धको मुद्दाको फैसला र त्यसपछि उत्पन्न हुने परिस्थितिलाई ध्यानमा राखेर आवश्यक छलफल गरिएको बताएको छ ।