भोलि दिनभर नेपाल प्रहरीका पाँच वटा सेवा अवरुद्ध हुने

नेपाल प्रहरीले दिँदै आएका विभिन्न सेवामध्ये प्रविधिमा आधारित पाँच वटा सेवा भोलि दिनभर अवरुद्ध हुने भएको छ ।

प्रहरी प्रधान कार्यालयको सिस्टम ल्याबमा रहेको सर्भर,स्टोरेज नेटवर्क डिभाइस र अन्य सूचना तथा प्रविधिसँग सम्बन्धित उपकरणसँग जोडिएका ती सेवा अवरुद्ध हुन लागेको हो ।ती उपकरणमा प्रयोग गरिएको युपिएस पावर डिष्ट्रिब्युसनको व्यवस्थापनका कारण शनिबार बिहान ११ बजेदेखि दिउँसो २ बजेसम्म इन्ट्रानेटमा आधारित सेवा अवरुद्ध हुने जनाइएको छ ।

अवरुद्ध हुने सेवामा नेपाल प्रहरीको मोबाइल एप्लिकेसन,दैनिक दुर्घटनाको रिपोर्टिङ सिस्टम,इमेल, पर्सनल म्यानेजमेण्ट इन्फर्मेसन सिस्टम र नेपोल डट सीडी मुख्य हुन् ।

यसबारे प्रहरी मुख्यालयले आफू मातहतका सबै कार्यालयलाई हिजै जानकारी गराइसकेको छ ।