केन्द्रीय समितिमा नरहेका माओवादी चार नेता सीधै एमाले स्थायी समितिमा
नेकपा एमालेको दशौँ महाधिवेशन आयोजक समिति केन्द्रीय कमिटीमा रुपान्तरण भएसँगै समितिबाट स्वत: बाहिरिएका पूर्वमाओवादीसम्बध्द चार नेता स्थायी समितिमा मनोनित भएका छन् ।
आज बालुवाटारमा बसेको बैठकले फागुन २८ गते अध्यक्ष केपी शर्मा ओलीद्वारा गठित महाधिवेशन आयोजक समिति भंग गरेको छ । आयोजक समिति भंग भएपछि बादलसहितका पूर्वमाओवादी नेताहरुले अर्को ब्यवस्था नहुँदा जिम्मेवारीबिहिन हुने स्थिति थियो ।
बैठकले नेकपा विभाजनपछि माओवादी छोडेर एमाले बनेका रामबहादुर थापा बादल, टोपबहादुर रायमाझी,लेखराज भट्ट र मणि थापालाई एमालेको स्थायी कमिटीमा मनोनित गरेको हो ।
त्यस्तै,एमाले हुँदै माथि रहेका रघुवीर महासेठ,रघु पन्त,विष्णु रिमाल र बेदुराम भुसाललाई पनि यही मेसोमा स्थायी कमिटीमा लगिएको देखाउन खोजिएको छ ।
आयोजक समिति भंग गर्ने हिजो स्थायी कमिटीको निर्णय अनुमोदन गर्दै आजको बैठकले पर्सि केन्द्रीय कमिटी बोलाउने निर्णय गरेको छ ।
टिप्पणीहरू