ललितपुरका जातीय नेताहरुको आग्रह ‘रुपालाई कारबाही गर्नु’

घरभाडाको विषयमा जातीय विभेदको सिकार भएकी भनिएकी काठमाडौं बबरमहलकी सरस्वती प्रधान हिजो प्रहरी हिरासतबाट मुक्त भएकी छन् । गायिका तथा सञ्चारकर्मी रुपा सुनारले दिएको जाहेरीका आधारमा सिंहदरबार प्रहरी वृत्तले घरबेटी सरस्वतीलाई अनुसन्धानको निम्ति भन्दै हिरासतमा लिएको थियो ।

तर प्रधानको रिहाइले रुपामाथि विना प्रमाण जातीय विभेद गरेको आरोप लागेको छ । हिजो यल जातीय समाजले ललितपुर जिल्ला प्रशासनमा बुझाएको ज्ञापनपत्रमा अनावश्यक ढंगले जातीय विभेदको हल्ला गर्ने रुपा सुनारलाई कारबाहीको माग गरिएको छ ।

यल जातीय समाजका संयोजक समुन्द्रमान रञ्जितकारले बुझाएको ज्ञापनपत्रसँगै खोकना जनसरोकारका अध्यक्ष नेपाल डङ्गोल,बुङ्मती जनसरोकारका अध्यक्ष अष्ट्मान महर्जनलगायतको समूह पनि ललितपुर जिल्ला प्रशासन पुगेको थियो ।