सुदूर पश्चिममा महिलामाथि एकपछि अर्को ज्यान जाने घटना « Jana Aastha News Online
Logo
४ माघ २०७८, मंगलवार
|  Tue Jan 18 2022

सुदूर पश्चिममा महिलामाथि एकपछि अर्को ज्यान जाने घटना

प्रकाशित मिति :  ६ असार २०७८, आईतवार १७:००


कोरोना खोपको रिपोर्ट पुर्याउन अस्पताल हिंडेकी डडेल्धुराकी अस्मिता धामी जंगलमा मृत फेला परेको घटना शंकास्पद देखिएको छ । युवती एक्लै जंगलको माथ्लो बाटो जानु,बाटैमा शव भेटिनु र शवको प्रकृति सामान्य हुनुले घटना रहश्यमय देखिएको हो ।

शरिरमा बाहिरी चोट नदेखिए पनि स्थानीयले हत्याको आशङ्का गरेका छन् । प्रहरीले भने शवको पोष्टमार्टम रिपोर्ट आएपछि मात्र घटनाबारे थप जानकारी प्राप्त हुने बताएको छ ।

धामीकै गाउँमा ३ गते एकजनाले झुन्डिएर आत्महत्या गरेको र दुई गते हराएकी धामीको शव ५ गते फेला परेपछि दुवै घटनावीच सम्बन्ध हुनसक्ने आशंका पनि गरिएको छ ।

प्रहरीले घटनाको अनुसन्धान थालिसकेको छ । संघीय प्रहरी इकाई (धनगढी) बाट सिआइबीका डिएसपी लक्ष्मण शाहीको कमाण्डमा चार जना प्रहरी घटनास्थलतर्फ लागेको छ भने जिल्ला प्रहरी कार्यालयका डिएसपी महेन्द्र नेपालको टोली पनि घटनास्थल पुगेको बताइएको छ । जिल्ला सरकारी वकिल कार्यालयका सहायक न्यायाधिवक्ता हरिप्रसाद तिमिल्सिनासहितको टोली पनि घटनास्थल पुगेको छ ।

स्थानीयले भने युवती जंगलको बाटो हुँदै गएपछि घटना शंकास्पद देखिएको बताएका छन् । धामीकै गाउँमा ३ गते एकजनाले झुन्डिएर आत्महत्या गरेको र दुई गते हराएकी धामीको शव ५ गते फेला परेपछि दुवै घटनावीच सम्बन्ध हुनसक्ने आशंका पनि गरिएको छ ।

के हो घटना ?

असार २ गते जोगबुढा अस्पताल जाने क्रममा बेपत्ता भएकी साधनी स्वास्थ्य चौकीमा कार्यरत करारतर्फकी कार्यालय सहयोगी अस्मिता हट्वानी सामुदायिक वनमा मृत अवस्थामा भेटिएकी थिइन् ।

कोरोना खोपको रिपोर्ट लिन करिब ११ बजेको समय स्वास्थ्य चौकीबाट निस्केकी अस्मिता जोगबुढा नपुग्दै बेपत्ता भएपछि परिवारले ३ गते उनी हराएको भन्दै प्रहरीमा उजुरी गरेका थिए ।

उजुरी पाएलगत्तै धामीको खोजी शुरु गरेको प्रहरीले हिजो बेलुका हट्वानी सामुदायिक वनमा शव फेला पारेको थियो । प्रहरीका अनुसार उनको शव पल्टेर रहेको अवस्थामा जङ्गलमा फेला परेको थियो ।

शवको प्रकृति सामान्य रहेको प्रहरीले बताएको छ । उत्तानो पल्टेको अवस्थामा लास भेटिएको र शरीरमा लगाएको कपडासमेत नबिग्रेको अवस्थामा लास भेटिएकाले प्रहरीलेसमेत घटनालाई शंकास्पद रुपले हेरेको छ ।

 


प्रतिक्रिया दिनुहोस !