बाढी, पहिरोमा हालसम्म १५ को मृत्यु, १६ घाइते, २५ बेपत्ता - Jana Aastha News Online Jana Aastha News Online
१७ श्रावण २०७८, आईतवार

बाढी, पहिरोमा हालसम्म १५ को मृत्यु, १६ घाइते, २५ बेपत्ता



अविरल वर्षाको कारण देशका विभिन्न स्थानमा आएको बाढी, पहिरो र डुबानमा परी जेठ ३० गतेदेखि शुक्रबार दिउँसोसम्म १५ जनाको मृत्यु भएको छ । मृत्यु हुनेहरूमा ९ जना पुरुष, ३ जना महिला, २ जना बालक र १ जना बालिका रहेका छन् ।

निधन हुनेहरुमध्ये सिन्धुपाल्चोकमा ३, डोटीमा ३, सप्तरीमा १, काभ्रेमा १, गोरखामा १, जुम्लामा १, अर्घाखाँचीमा १, पाल्पामा १, कास्कीमा १, कालिकोटमा १ र बाजुरामा १ जना रहेका छन् ।

बाढी, पहिरो र डुबानमा १६ जना घाइते भएका छन् । घाईतेमध्ये १० जना पुरुष, ४ जना महिला र २ जना बालिका रहेका छन् । उनीहरुमध्ये सिन्धुपाल्चोकमा ६, म्याग्दीमा ३, जुम्लामा २, डोटीमा २, कास्कीमा १, स्याङजामा १ र सल्यानमा १ जना रहेका छन् । घाइतेहरूलाई उपचारको लागि स्थानीय अस्पतालमा भर्ना गरिएको छ ।

त्यसैगरी यसबीचमा २५ जना बेपत्ता भएका छन् । तीमध्ये १७ जना पुरुष, ५ जना महिला, २ जना बालक र १ जना बालिका रहेका छन् । सिन्धुपाल्चोकमा १७ जना, जाजरकोटमा ७ जना र बाजुरामा १ जना रहेकोमा वेपत्ताको खोजी कार्य जारी रहेको प्रहरीले बताएको छ ।

बाढी तथा पहिरोमा परेका सिन्धुपाल्चोकमा ९४ जना र सल्यानबाट ८ जना गरी १ सय २ जनाको उद्धार गरिएको छ । उनीहरुलाई पनि उपचारका लागि विभिन्न अस्पतालमा भर्ना गरिएको छ ।

पहिरो तथा बाढीको कारण बन्द भएका विभिन्न स्थानका सडक प्रहरीले सुचारु गराएको छ । यसबीचमा दार्चुला, हुम्ला, सुर्खेत, कालिकोट, सल्यान र दैलेखलगायतका स्थानमा पहिरो गई अवरोध भएको सडक हटाउने कार्य जारी छ ।

बाढीका कारण १ सय ९९ वटा घर डुबानमा परेका छन् । १ सय ३८ वटा घर, ११ वटा गोठ, १२ वटा पुल, १ वटा विद्यालय र ७ वटा सरकारी कार्यालयमा क्षति पुगेको छ । ५ सय २८ वटा घरका १ हजार ७ सय ६० जना विस्थापित भएका छन् । ५ सय १६ वटा पशु चौपाया समेत मारिएका छन् ।

बाढी र पहिरोको कारण सिन्धुपाल्चोकका इलाका प्रहरी कार्यालय, हेलम्बु र प्रहरी चौकी तालामाराङलाई स्थानान्तरण गरिएको छ ।

Tags :

प्रतिक्रिया दिनुहोस !

सम्बन्धित खबरहरु

एमसीसीको विरोधमा भोलि दिउँसो भरतपुरको चौबीसकोठीमा जुलुस र धर्ना हुने
जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add