नक्कली डिएसपीलाई सक्कलीले समाते
आफूलाई नेपाल प्रहरीको डाक्टर प्रहरी नायव उपरीक्षक (डिएसपी) हुँ भन्दै हिँडेका तारकेश्वर नगरपालिका ६, स्थित भिक्टोरिया फार्मेसीका सञ्चालक कृष्णप्रसाद ढुङ्गाना पक्राउ परेका छन् ।
नेपाल प्रहरीका डिएसपीको पोशाक लगाएको फोटो फेसबुकमा राखी नपाएको ओहोदा/पदवी पाएको भन्दै भ्रम सिर्जना गरेपछि ४४ वर्षीय ढुंगानालाई महानगरीय प्रहरी अपराध महाशाखा मीनभवनबाट खटिएको टोलीले उनकै फार्मेसीबाट पक्राउ गरेको हो । आफूलाई मेडिकल डाइरेक्टर डा. एस. के ढुङ्गाना एक्स.एफ.हुँ भन्दै मेडिकल फर्म सञ्चालन गर्दै आएको र नेपाल प्रहरीका कर्मचारीलाई सशस्त्र डिएसपी र सशस्त्र प्रहरी बलका कर्मचारीलाई नेपाल प्रहरीको डिएसपी हुँ भन्ने गरेको अनुसन्धानबाट खुल्न आएको छ ।
उनको साथबाट तीन थान नेपाल प्रहरीका विभिन्न पदको युनिफर्म लगाएका फोटा, एक थान प्रहरी नायव उपरीक्षकको युनिफर्म, एक थान नेपाल प्रहरीको जर्सी र एक थान मोबाइल प्रहरीले बरामद गरेको छ ।
टिप्पणीहरू