राउटे युवतीका पीडा,दौंतरी नभेटिएर बाहिर पुगेको आशंका - Jana Aastha News Online Jana Aastha News Online
१७ श्रावण २०७८, आईतवार

राउटे युवतीका पीडा,दौंतरी नभेटिएर बाहिर पुगेको आशंका



गत साता सुर्खेतमा दुई जना राउटे युवतीलाई यौन दुर्व्यवहार गर्ने युवाहरुलाई प्रहरीले कानुनी कारबाही शुरु गरेको छ । यता राउटे युवतीहरु पटकपटक कसरी अर्को समुदायका युवाहरुसँग दिउँसै मादक पदार्थ सेवन गरेर ‘त्यो अवस्थामा’ पुगे भन्ने कौतुहलता र अनुसन्धान पनि शुरु भएको छ ।

राउटे समुदायलाई नजिकबाट चिन्नेहरु भन्छन् ‘सुर्खेत,गुर्भाकोट नगरपालिकाको आँपसोतीस्थित भेरी नदी किनार बसोबास गर्दै आएको उक्त समुदायमा ती युवतीको दौंतरी मिल्ने युवक छैनन् । त्यसैले छिटो उमेरमा विवाह गर्ने उक्त समुदायमा उनीहरुको उमेर तुलनात्मक रुपले छिप्पिन थालेको थियो । उनीहरू केही समयदेखि बाहिरका ती युवाहरुसँग समुदाय बाहिर आउन र भेटघाट गर्न थालिसकेका थिए ।’उमेर,खानपिन र बाह्य माहौलले ती युवतीलाई विचलित बनाएको हुनसक्ने राउटेबारे विशेष जानकारी राख्दै आएका स्थानीय सुरक्षाकर्मीले बताएका छन् ।

यसैबीच उक्त समुदायलाई प्रदान गरिने राहत वितरणलाई व्यवस्थित गर्न आज जिल्ला प्रशासन कार्यालय सुर्खेतले सूचना जारी गरेको छ । हिजो प्रमुख जिल्ला अधिकारी छविलाल रिजालको अध्यक्षतामा बसेको बैठकले कोरोना महामारी र केही दिनअघि उक्त समुदायका दुई युवतीमाथि भएको यौन दुर्व्यवहारको घटनालाई लिएर सूचना जारी गर्ने निर्णय गरेको हो ।

सहायक प्रजिअ रोमबहादुर महतद्वारा जारी सूचनामा जंगलमा बस्ने फिरन्ते समुदाय भएको राउटेका आफ्नै मूल्य,मान्यता र परम्परा रहेको उल्लेख गर्दै उक्त समुदायका चेलिबेटीहरु राहत, भिडियो र मनोरञ्जनका नाममा गैरसमुदायका मानिसहरुबाट शोषित हुन थालेको बताइएको छ ।

सूचनामा गैरसमुदायका मानिसहरुले उनीहरुलाई राहत प्रदान गर्न खोजेमा अब एकद्वार प्रणलीमार्फत् वितरण गर्न पाइने बताइएको छ । जसअन्तर्गत नगदी तथा जिन्सी सबै सामाग्रीको अभिलेख सामाजिक विकास कोषमा राख्नुपर्ने व्यवस्था गरिएको छ ।

कसैले स्वयम् उपस्थित भएर राहत सामाग्री उपलब्ध गराउन चाहेमा प्रदेश मन्त्रालयमा अभिलेख राखेर स्थानीय तह र सहजीकरण समितिको समन्वयमा मात्र बस्ती नजिक पुगी उक्त समुदायको मुखियालाई सामागी हस्तान्तरण गर्ने व्यवस्था मिलाइएको छ ।

महामारी र यौन दुर्व्यवहारको घटनापछि राउटे बस्तीमा प्रवेश गर्न पूर्णत: निषेध गरिएको छ

Tags :

प्रतिक्रिया दिनुहोस !

सम्बन्धित खबरहरु

एमसीसीको विरोधमा भोलि दिउँसो भरतपुरको चौबीसकोठीमा जुलुस र धर्ना हुने
जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add