नयाँ शैक्षिक सत्र असारबाट, पढाइ अझै अलमलमा :शिक्षा मन्त्रालय « janaaastha.com
५ असार २०७८, शनिबार

नयाँ शैक्षिक सत्र असारबाट, पढाइ अझै अलमलमा :शिक्षा मन्त्रालय



कोरोना महामारीका कारण तत्काल विद्यालय खोल्नेतर्फ शिक्षा मन्त्रालयले ध्यान केन्द्रित नगरेको शिक्षा, विज्ञान तथा प्रविधि मन्त्रालयका प्रवक्ता दिपक शर्माले बताउनुभएको छ ।

महामारीको जोखिम तुलनत्मक रुपमा कम भए पनि तत्काल विद्यालय नखुल्ने उहाँल जनआस्थासँगको कुराकानीमा बताउनुभएको छ ।

शर्माले पछिल्लो शैक्षिक सत्र यहि जेठ मसान्तमा सकिने उल्लेख गर्दै नयाँ शैक्षिक सत्र असारबाटै शुरु हुने बताउनुभयो । विद्यालय नखुले पनि नयाँ शैक्षिक सत्रको तयारी भने पूरा हुन लागेको उहाँले दाबी गर्नुभयो ।

शैक्षिक सत्र शुरु गर्नु अगावै आवश्यक पाठ्यपुस्तकहरु यसअघि नै प्रदेशका डीपोमा पठाइएको र केही पाठ्यपुस्तक अझै छाप्ने क्रममा रहेको उहाँले उल्लेख गर्नुभयो ।

भौतिक रुपमा विद्यालयमा उपस्थित नभए पनि विद्यार्थीलाई पाठ्यपुस्तक सहज तवरले उपलब्ध गराउन मन्त्रालयले सम्बन्धित निकायसँग समन्वय गरिरहेको बताइएको छ ।

यसअघि वीरगञ्ज महानगरपालिकाले असार १ गतेबाट विद्यार्थीको भौतिक उपस्थितिमा विद्यालय सञ्चालन गर्ने बताइसकेको छ ।

भौतिक उपस्थितिमा विद्यालय सञ्चालन गर्ने वा नगर्ने भन्ने विषय कोभिड–१९ संकट व्यवस्थापन केन्द्र सीएमसीसीले गरेको निर्णय नै आधिकारिक हुने उहाँले बताउनुभयो ।

Tags :

प्रतिक्रिया दिनुहोस !

सम्बन्धित खबरहरु

“जीरो ईरोर (डिफेक्ट्) सिण्ड्रोम” बाट ग्रसित नेपाली सेना
अन्तरिक्षबाट यस्तो देखियो नेपाल र हिमालय क्षेत्र (फाेटाे फिचर)
दलाए दलाए, अन्तिममा ढलाए
अष्ट्रेलियाको भन्दै सुर्खेतको बाँड्दै
Add

Scroll Up