प्रधानमन्त्रीका प्यारा उपप्रधानमन्त्रीलाई निकाल्न जुलुश

हिजो साँझ उपप्रधानमन्त्री बन्नासाथ प्रकट राजेन्द्र महतोको राष्ट्रघाती अभिव्यक्तिको विरुद्ध प्रदर्शन गर्ने एमाले अखिलकी केन्द्रीय उपसचिव आरती लामासहितको समूहलाई प्रहरीले भर्खरै पक्राउ गरेको छ ।

महतोले हालै दिएको देशद्रोही अभिव्यक्ति र नागरिकताको सम्बन्धमा परेको उजुरीबारे सार्वजनिक धारणा फिर्ता लिनुपर्ने, उपप्रधानमन्त्री पदबाट हटाउनुपर्ने र राज्यद्रोहको मुद्दा लगाई देश निकाला गर्नुपर्ने भन्दै प्रदर्शनकारीले पुतला दहनसमेत गरेका छन् । उनीहरुले राजेन्द्र महतो मूर्दावाद, हाम्रो आन्दोलन जारी छ, प्रतिगमनकारी सरकार मूर्दावाद, राष्ट्रघाती सरकार मूर्दावाद, प्रधानमन्त्री ओली मूर्दावादको नारा लगाएका थिए ।

उनीहरुलाई नयाँ बानेश्वरस्थित अर्याल होटल नजिकैबाट पक्राउ गरिएको बताइएको हो । पक्राउ परेका सबै विद्यार्थी नेतालाई नेपाल प्रहरीको तीनकुने प्रहरी बृत्तमा लगिएको छ ।