राजा–प्रजा बराबर, खनाल–भट्टराई अझ कम

नेपाल सरकारले गत माघमा गरेको निर्णय भन्दै पूर्वराजा ज्ञानेन्द्र शाहको सुरक्षामा खटिएको सशस्त्र प्रहरी बलको डफ्फालाई ९० बाट १६ जनामा झारिएको छ । सरकारले पुसमा घोषणा गरेको मध्यावधि निर्वाचनलाई लक्षित गर्दै भीभीआईपीहरुको सुरक्षा कटौती गरेको थियो ।

पछिल्लो निर्णयानुसार हाल पूर्वराजाको सुरक्षार्थ डीएसपीको कमाण्डमा १६ जना सशस्त्र प्रहरी खटिएका छन् । त्यसैगरी नेकपा माओवादीका अध्यक्ष तथा भूतपूर्व प्रधानमन्त्री पुष्पकमल दाहाल प्रचण्ड,नेपाली काँग्रेस सभापति तथा पूर्वप्रधानमन्त्री शेरबहादुर देउवा र पूर्व प्रधानमन्त्री माधवकुमार नेपाल सबैलाई १६ जनाको टोली उपलब्ध गराइएको छ ।

तर पूूर्वप्रधानमन्त्री झलनाथ खनाल,बाबुराम भट्टराई र लोकेन्द्रबहादुर चन्दको सुरक्षामा भने त्योभन्दा पनि कम सुरक्षाकर्मी खटाइएको स्रोतले जानकारी दिएको छ ।