अर्को शुक्रवारको पर्खाइ,१९ वटै रिट संवैधानिक इजलाशमा

प्रतिनिधिसभा विघटनविरुद्ध सर्वोच्च अदालतमा परेका १९ रिटलाई प्रधानन्यायाधीश चोलेन्द्र समशेर राणाले भोलि शुक्रवार बस्ने संवैधानिक इजलासमा पठाउन आदेश दिनुभएको छ ।

आज राणाको एकल इजलासमा भएको सुनुवाईपछि उक्त आदेश आएको हो । रिट निवेदकहरुको मागबमोजिम इजलासबाट अन्तरिम आदेश भने जारी भएको छैन ।

१९ रिट संवैद्यानिक इजलाशमा पठाउन आदेश,अन्तरिम आदेश दिइएन्

आजको पहिलो बहसमा अधिवक्ता वीरभद्र जोशीले सर्वाेच्चको यसअघिको आदेशअनुसार प्रतिनिधिसभा भंग गर्न नमिल्ने भएकाले प्रथमदृष्टिमै बदरभागी रहेको बताउनुभएको थियो । उहाँले धारा ७६ (५) को सरकार गठन गर्ने मौकै नदिई राष्ट्रपतिले मध्यरात संसद बिघटन गरेको जिकिर गर्नुभएको थियो ।

७६ (३) बमोजिम नियुक्त प्रधानमन्त्रीले ७६ (४) बमोजिम विश्वासको मत लिनु पर्नेमा ७६ (५) विघटनमा जानु गैरसंवैद्यानिक कदम भयो अधिवक्ता तुलसी पराजुली

उहाँले ‘प्रधानमन्त्रीले भन्नुभएको मार्गप्रशस्त के हो ? राजिनामा हो कि होइन भन्ने स्पष्ट छैन । यसकारण संसद पुनर्स्थापना हुनुपर्दछ’ भन्नुभएको थियो ।

त्यसपछि बहस गर्नुभएका अधिवक्ता तुलसी पराजुलीले संविधानको धारा ७६ (३) बमोजिम नियुक्त प्रधानमन्त्रीले ७६ (४) बमोजिम विश्वासको मत लिनुपर्नेमा ७६ (५) बमोजिमको विघटनमा जानु गैरसंवैधानिक कदम भएको बताउनुभएको थियो ।