माछा मार्ने करेन्टमा आफै परेपछि एकको ज्यान गुम्याे

 झापाकाे अर्जुनधारा नगरपालिका–११ स्थित रेखा खोलामा माछा मार्ने क्रममा करेन्ट लागेर सोही स्थानका ३८ वर्षीय धनेन्द्र तामाङकाे मृत्यु भएको छ ।

उनी घर नजिकै रहेको खाेलामा आइतबार बेलुका ४ बजे साथीहरुसँग माछा मार्न गएका थिए । त्यसबेला करेन्ट लागी घाइते भएपछि तामाङलाई उपचारका लागि बीएण्डसी अस्पताल बिर्तामोड लगिएको थियो । तर अस्पताल पुर्याउनासाथ उनको मृत्यु भएको हो ।

उनको मृत्यु भएपछि उनीसँगै माछा मार्न गएका ३८ वर्षीय दिलबहादुर खजुम लिम्बु र इलाम घर भई सोही स्थान बस्ने ३२ वर्षीय रमेश एक्तेन लिम्बुलाई प्रहरीले पक्राउ गरीआवश्यक अनुसन्धान अघि बढाएको इलाका प्रहरी कार्यालय अनारमनीले जनाएको छ ।