चुनाव गराउने मुख्य थलोमै कोरोना आतंक
निर्वाचन आयोग भोलि हेटौंडा र जेठ १७ गते बुटवलमा हुने राष्ट्रिय सभाको उपनिर्वाचनमा जुटेको छ ।
यता कोरोना संक्रमणबीच हुन लागेको उपनिर्वाचनको संघारमा आयोगका धेरैजना कर्मचारी भने संक्रमित बनेको पाइएको छ ।
निर्वाचन आयोगका प्रमुख आयुक्त दिनेश थपलियाको कार्यालयमा खाजा,पानी,चिया खुवाउने कार्यालय सहयोगी नै संक्रमित बनेपछि आयोगका सबै त्राहिमाम छन् ।
बहादुर भवन,जमलस्थित आयोगमा कार्यरत झण्डै आधा दर्जन कर्मचारीमा परीक्षण रिपोर्ट पोजिटिभ आएपछि उनीहरु घरमै बसेका छन् ।
आयोगको इलाम र कैलालीका कार्यालय प्रमुखलाई पनि कोरोना संक्रमण पुष्टि भएको छ ।
ट्रेन्डिङ पोस्ट
टिप्पणीहरू