दोस्रो पुस्ता जोगियो,बङ्गालको कथा बेग्लै हो - Jana Aastha News Online Jana Aastha News Online
१७ श्रावण २०७८, आईतवार

दोस्रो पुस्ता जोगियो,बङ्गालको कथा बेग्लै हो



बिहीबार प्रधानमन्त्री तथा एमाले अध्यक्ष केपी शर्मा ओली र वरिष्ठ नेता माधवकुमार नेपालबीच भएको सहमतिले एमाले कम्तिमा दोस्रो पुस्तासम्मको लागि विभाजनबाट जोगिएको भन्नेहरू पनि देखिएका छन् ।

उनीहरूका अनुसार अब एमाले ओली,नेपाल र झलनाथ खनालले केही बर्षमा स्वेच्छिक अवकाश लिए पनि अर्को पुस्तासम्मको लागि जोगिएको छ ।

फुटको डिलमा पुगेर फर्किएको पार्टी राजनीतिले युवा पुस्ताका केही होनहार नेताहरूको राजनीतिक करियर जोगिएको बताइन्छ । त्यसैगरी अहिलेको घटनाक्रमले माओवादी केन्द्रका वर्षमान पुन,हरिबोल गजुरेल,जनार्दन शर्माहरूजस्ता नेतालाई कालान्तरमा समेट्न र जोडिनको लागि समेत मार्गप्रशस्त गरेको उनीहरूको निचोड छ ।

नाम बताउन नचाहने एमाले निकट राजनीतिक विश्लेषक भन्छन् ‘वामपन्थीहरू नेपालमा अझै केही दशकसम्म यो वा त्यो नाममा पावरमा रहने देखिन्छ ।

यसअघि एमालेको सूर्य चिन्हमा दुईदेखि तीन पटक भोट हालेका र ४० वर्ष उमेर नकटाएकाले अझै तीनदेखि चार पटक सक्रियतापूर्वक भोट हाल्ने भएकाले नेपालमा भारतको पश्चिम बंगालमा जस्तो हुँदैन ।’

उनका अनुसार यहाँ नेपाली काँग्रेस पनि ‘पपुलर’ छैन । भारतमा पहिले र यसपटक पश्चिम बंगालमा भाजपा अर्थात् प्रधानमन्त्री मोदी हुरी बतासझैँ देखापरेका थिए ।

पश्चिम बंगालमा भाकपा र माकपालाई काँग्रेस आईले हराएको नभई भाजपाले हराएको बताउँदै उनी थप्छन् ‘केही समयपछि पुनः दोस्रो पुस्ताका कम्युनिष्ट नेताहरूबीच एकता वा कार्यगत एकता हुनसक्छ ।’

Tags :

प्रतिक्रिया दिनुहोस !

सम्बन्धित खबरहरु

एमसीसीको विरोधमा भोलि दिउँसो भरतपुरको चौबीसकोठीमा जुलुस र धर्ना हुने
जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add