संकट समाधाननिम्ति बाबुरामका चार सूत्र

नयाँ सरकार गठनको रस्साकस्सी चलिरहेका बेला पूर्वप्रधानमन्त्री तथा जनता समाजवादी पार्टी (जसपा) का संघीय परिषद अध्यक्ष डा. बाबुराम भट्टराईले सर्वदलीय सरकारको प्रस्ताव अगाडि सार्नुभएको छ ।

मुलुकको संकट समाधानका लागि भन्दै उहाँले चार बुँदे प्रस्ताव पनि अगाडि सार्नुभएको छ । प्रस्तावमा वर्तमान र पूर्वप्रधानमन्त्री वाहेककाको नेतृत्वमा राष्ट्रिय सरकार गठनमा जोड दिइएको छ ।भट्टराईले संविधानको धारा ७६ को उपधारा २ बमोजिम सबै दलको सहभागिता,बर्तमान र पूर्वप्रधानमन्त्री बाहेककाको नेतृत्वमा सरकार गठन गर्न प्रस्ताव गरिएको छ । त्यस्तै,दलका प्रमुख र पूर्वप्रधानमन्त्री रहेको निर्देशक समिति बनाउन सकिने उहाँको प्रस्ताव छ ।

‘देशको संकट हल गर्न यसो गरौं ! १.धारा ७६(२) बमोजिम सबै दलको सहभागिता र वर्तमान / पूर्व प्रम वाहेककाको नेतृत्वमा राष्ट्रिय सरकार बनाऔं :२.दलका प्रमुख/पूर्व प्रम रहेको निर्देशक समिति:, बुधबार बिहान ट्वीट गर्दै भट्टराईले भन्नुभएको छ ।

प्रस्तावमा त्यस्तो सरकारले कोभिड नियन्त्रण, टिसीआर मुद्धा,संविधान संशोधन,आर्थिक राहत जस्ता साझा न्युनतम कार्यक्रम ल्याउने र एक वर्षभित्र चुनाव गर्ने उल्लेख गरिएको छ ।

भट्टराईले ट्वीटरमा लेख्नुभएको छ,’साझा न्यूनतम कार्यक्रम (कोभिड नियन्त्रण,TCR/मुद्दा, संविधान संशोधन,आर्थिक राहत)लागू ४.एक बर्षभित्र चुनाव !,