विश्वासको मत लिनुअघि नियुक्ति थरिथरिका - Jana Aastha News Online Jana Aastha News Online
१७ श्रावण २०७८, आईतवार

विश्वासको मत लिनुअघि नियुक्ति थरिथरिका



प्रधानमन्त्री केपी शर्मा ओलीको अध्यक्षतामा आइतबार बसेको संवैधानिक परिषद् बैठकले गरेको नियुक्तिका भित्री रहस्यहरू बिस्तारै खुलेका छन् ।

संसदमा विश्वासको मत लिनु एक दिन अगाडि भएको नियुक्तिमा विभिन्न समयमा गुन लगाएकाहरूलाई प्राथमिकता दिइएको बताइएको छ ।

अख्तियार दुरुपयोग अनुसन्धान आयोगको आयुक्तमा सिफारिश गरिएका डा. हरि पौडेल राष्ट्रपति कार्यालयका सचिव हुनुहुन्छ । उहाँको कार्यकाल तीन वर्ष बाँकी छँदाछँदै आयुक्त बनाइएको छ ।

त्यसरी कार्यकाल बाँकी छँदै सचिवलाई अन्यत्र नियुक्त गर्दा उनी सचिवमा बढुवा भएको वर्ष नियुक्ति पाउनुपर्ने अर्का एक जना सहसचिवले उक्त अवसर गुमाएकोतर्फ कसैले ध्यान पुर्याएको देखिँदैन ।

पुस ५ गते प्रधानमन्त्रीले संसद विघटनको सिफारिस तयारी गरिरहँदा मङ्ग्सिर ३० गते नै नेकपाका नेता भीम रावल र पम्फा भुसाल समावेदन पत्र बोकेर राष्ट्रपति भवन पुग्नुभएको थियो । समावेदन पत्र दर्ता गर्न सचिव पौडेलको कार्यकक्षमा लामो समय बसेपनि उहाँ दर्ता नगरी मोबाइल अफ गरेर बस्नुभएको थियो ।

पछिको भेटमा उहाँले आफू छ घण्टासम्म पिसाब फेर्न गएको जवाफ दिएर उम्कनुभयो । रावल र भुसालले समावेदन दर्ताको निस्सा बुझेर जाने अडान लिएपछि उहाँ मोबाइल अफ गरेर हराउनुभएको हो ।

अहिले त्यहि पिसाब फेर्न गएको बेलाको मूल्याङ्कन गर्दै पुरस्कृत गरिएको बताइन्छ । मोबाइल अफ गरेर हराएको अवधिमै समावेदन पत्रको फोटोकपी बालुवाटार पुर्याइएको थियो ।

त्यसैगरी,फागुन २३ गते नेकपा टुक्राउने गरी फैसला गर्ने सर्वोच्चका श्रीमान् कुमार रेग्मीका सहोदर दाजु माधव रेग्मीलाई लोक सेवा आयोगको अध्यक्ष बनाएर पुरस्कृत गरिएको छ ।

यता,अष्ट्रेलियाका लागि नेपाली राजदूत महेश दाहाललाई सरकारले फिर्ता बोलाएपछि रिक्त विभिन्न पदमा नियुक्तिको चहलपहल शुरु भएको छ ।

यसअघि नै नियुक्तिको लागि चर्चामा रहेका परराष्ट्रका सहसचिव निर्मल काफ्ले,यादव खनाल र प्राध्यापक कृष्णचन्द्र शर्माहरूको अब फेरि पालो आएको भन्न थालिएको छ ।

Tags :

प्रतिक्रिया दिनुहोस !

सम्बन्धित खबरहरु

जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
मन्त्रीलाई स्वागत गर्दैमा रोकियो श्रीमानहरुको सरुवा
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add