वामदेव अब भने झन विरक्त
निर्णायक घडीमा कतै पनि नलाग्ने चट्टानी अडान देखाउँदै एकता अभियान चलाइरहनुभएका एमालेबाट बर्खास्त उपाध्यक्ष वामदेव गौतम ओलीसँग मिल्ने सम्भावना सकिएको निष्कर्षमा पुग्नुभएको छ ।
उहाँनिकट नेताहरुका अनुसार पटक-पटक धोका पाएपछि गौतमको ओलीसंग मोहभङ्ग भैसकेको छ । पूर्व कृषिमन्त्री हरि पराजुलीका अनुसार गौतमले आज बिहान माधव नेपाललाई फोन गरेर ‘ओली सुध्रने भएनन्,यिनीसङ्ग जान सकिन्न’ भन्नुभएको थियो ।
गौतमसमेत नेपाल कित्तामा पुगेपछि एमालेमा ओलीविरोधी धार कुबेलामा थप सशक्त भएको बताउन थालिएको छ ।
ओलीबाट शृंखलाबद्ध रुपमा एकपछि अर्को धोका पाएकाले निर्णायक घडीमा साथ नदिने निचोडमा गौतम पुग्नुभएको हो । गौतमले नेता नेपाललाई फोन गरेर विपक्षी गठवन्धनलाई साथ दिने विश्वास दिलाएको पनि बताइन्छ ।
टिप्पणीहरू