लुकाई राखेको १४ सिलिण्डर अक्सिजन राजधानीमा बरामद

कोरोना महामारीवीच संक्रमितहरूले अक्सिजनको अभावमा ज्यान गुमाइरहेको बेला प्रहरीले लुकाइराखेको साना तथा ठूला गरी १४ सिलिण्डर अक्सिजन बरामद गरेको छ ।

काठमाण्डौँ महानगरपालिका ३२ तीनकुनेस्थित मिलन वस्ती मार्गमा पुष्कर पण्डितले सञ्चालन गरेको अक्सिटेक प्रा.लि.बाट महानगरीय प्रहरी वृत्त नयाँ वानेश्वरको प्रहरी टोलीले छापा मारी सिलिण्डर बरामद गरेको हो ।

प्रहरीका अनुसार सानो खाली सिलिण्डर २,सानो भरिएको सिलिण्डर ४,ठूलो खाली सिलिन्डर २ तथा ठूलो भरिएको सिलिण्डर ६ थान बरामद गरिएको छ ।

यसबारे सञ्चालक पण्डितसँग बुझ्दा आफूले सञ्चालन गरेको संस्थामा प्रहरीले छापा मारेर अवैध रुपमा राखिएका अक्सिजन बरामद गरेको भन्ने सूचना झूठो रहेको बताएका छन् ।