नेपाल बोर्डरमा भारतबिरोधी नारा घन्किएको दाबी « Jana Aastha News Online
Logo
२२ मंसिर २०७८, बुधबार
|  Wed Dec 8 2021

नेपाल बोर्डरमा भारतबिरोधी नारा घन्किएको दाबी

प्रकाशित मिति :  २३ बैशाख २०७८, बिहीबार १७:३०


लकडाउनसम्वन्धी सम्पूर्ण नियमहरू उल्लंघन गर्दै भारत( नेपाल सीमा नजिकैको भारतीय बजार रुपैडियामा पाकिस्तानको पक्षमा नारा लागेको भिडियो भाइरल बनेको छ । उक्त भिडियोका कारण भारतीय सञ्चारमाध्यममा तहल्का मच्चिएको छ ।

भारतको सुदर्शन न्यूज टेलिभिजनमा प्रशारित सामग्रीअनुसार कोभिड–१९ को नियम पालना नगरी देशविरोधी कार्य गर्दा पनि प्रहरी प्रशासन मौन बसेको आरोप लगाइएको छ । समाचार विवरणमा प्रदर्शनकारीले मच्चाएको अराजकताविरुद्ध सरकार मौन रहेको टिप्पणी गरिएको छ । रुपैडिया नजिकैको केवलपुर गाउँसभाका प्रमुखको विजयमा पाकिस्तान जिन्दावाद भन्ने नारा लगाइएको बताइएको छ ।

गाउँसभाको प्रमुखमा जितेपछि उनका समर्थकहरूले पाकिस्तान जिन्दावाद भन्दै नारा लगाएको समाचारमा उल्लेख छ । स्थानीय चकियामुल मैदानमा त्यस्तो नारा लगाइएको टेलिभिजनको दाबी छ ।

प्रदर्शनकारीहरूले भारत प्रशासन, सरकार र कानुनी व्यवस्थाविरोधी नारासमेत लगाएको बताइन्छ । टेलिभिजनका अनुसार रुपैडियामा विशेष वर्गको आवादी बढिरहेको र तिनले आफ्नो खालको दवाब बढाउँदै लगेको अवस्था छ ।

प्रदर्शनकारीहरूलाई टेलिभिजनले भारतीय भूमिमा बसेर पाकिस्तानको पक्षमा नारा लगाउनेलाई गध्दारको संज्ञा दिएको छ । कोभिड महामारीमा सामाजिक दूरी कायम नगरेको र राष्ट्रविरुद्ध गध्दारी गरेर सरकारी कदम र आदेशको समेत अवज्ञा गरेको बताइन्छ ।

प्रदर्शनपश्चात् प्रहरीले हाजी रहिम र उनका भाइमाथि मुद्दा दर्ता गरी आवश्यक अनुसन्धान थालेको टीभीको दावी छ ।


प्रतिक्रिया दिनुहोस !