घरमालिक अस्पताल भर्ना हुँदा पनि साथ नछाड्ने कुकुर « janaaastha.com
४ असार २०७८, शुक्रबार

घरमालिक अस्पताल भर्ना हुँदा पनि साथ नछाड्ने कुकुर



मानवीय समवेदना हराउँदै गएको हाम्रो समाजको लागि गतिलो शिक्षा दिने गरी टर्कीमा एउटा कुकुरले आफ्नो मालिकप्रति देखाएको अगाध भक्ति र स्नेहको भिडियो पश्चिमा सञ्चारमाध्यममा भाइरल भएको छ ।

मालिक बिरामी भएर अस्पतालमा भर्ना हुँदा पनि एउटी बफादार कुकुरले टर्कीको अस्पताल बाहिर पर्खेर धेरै दिन बिताएको भिडियोमा देख्न सकिन्छ ।

बोनकुक नाम गरेकी उक्त कुकुर मालिक सेमाल सेन्टुरकलाई १४ जनवरीमा अस्पताल लैजाँदा एम्बुलेन्सको पछि लागेर गइन् । सेन्टुरकलाई कृष्ण सागर अर्थात् ब्ल्याक सी नजिकै ट्राब्जोनको अस्पतालमा भर्ना गरिएपछि बोनुकुक हरेक दिन बिहान ९ बजे आएर अस्पतालको ढोका बाहिर बस्थिन् । मध्यरातसम्म मालिकको प्रतिक्षामा बेलाबेखत ढोकाबाट चियाएर हेर्थिन् ।

समाचार एजेन्सी डीएचएका अनुसार सेन्टुरककी छोरी ऐनुर इगेलीले भनिन् ‘मैले बोन्कुकलाई राती घरमा लिएर जान्थेँ तर बिहान ऊ आफैँ अस्पताल आउँथी ।’

अस्पतालको सुरक्षा गार्ड,मुहम्मत अक्डेनिजका अनुसार ‘उनी हरेक दिन बिहान ९ बजेतिर आउँथिन् र रातीसम्म ढोकामै कुर्थिन् तर, भित्र चाँहि नछिर्ने । ढोका खुल्दा टाउको भित्र छिराएर हेर्ने ।’

चार दिनपछि सेन्टुरक अस्पतालबाट डिस्चार्ज भए । त्यसपछि ह्वीलचेयरबाट बाहिर निस्कँदै गरेका मालिकलाई हेरेर खुशी हुँदै बोनकुकले आफ्नो प्रतिक्रिया दिएकी थिइन् । सेन्टुरकले भने ‘उनी मलाई औधी पछ्याउँछिन् । म पनि उनलाई निकै सम्झन्छु ।’

त्यसपछि बोनकुक पनि मालिकसँगै रमाउँदै घर फर्किएको दृश्य निकै रोचक देखिन्छ ।

Tags :

प्रतिक्रिया दिनुहोस !

सम्बन्धित खबरहरु

“जीरो ईरोर (डिफेक्ट्) सिण्ड्रोम” बाट ग्रसित नेपाली सेना
अन्तरिक्षबाट यस्तो देखियो नेपाल र हिमालय क्षेत्र (फाेटाे फिचर)
दलाए दलाए, अन्तिममा ढलाए
अष्ट्रेलियाको भन्दै सुर्खेतको बाँड्दै
Add

Scroll Up