नेपाल बैंकको एटिएममा हमला « janaaastha.com
२ जेष्ठ २०७८, आईतवार

नेपाल बैंकको एटिएममा हमला



मंगलबार दिउँसो रुकुम पश्चिमको जिल्ला सदरमुकामको मुख्य बजारमा रहेको नेपाल बैंक लिमिटेड रुकुम शाखाको एटिएम मेसिनमा तोडफोड भएको छ । एटिएम मेसिनमा प्रहार गर्ने एक जनालाई प्रहरीले पक्राउ गरेको छ ।

बैंकको एटिएम मेसिन फोर्दै गरेको अवस्थामा मुसिकोट नगरपालिका वडा नम्बर १ का ३० बर्षीय भीमबहादुर बि.क.लाई पक्राउ गरिएको प्रहरीले जनाएको छ ।

जिल्ला प्रहरी कार्यालय रुकुम पश्चिमका निरीक्षक डेकेन्द्र शर्माका अनुसार एटिएम मेसिनमा तोडफोड गरेर चोरी गर्न लाग्दा मेनेजरले सिसिक्यामराबाट थाहा पाएपछि प्रहरीलाई खबर गरेका थिए ।

तत्कालै नजिकैको प्रहरीले भीमबहादुरलाई नियन्त्रणमा लिएकोे थियो । एटिएम फोर्ने र पैसा चोरी गर्ने नियतले भीमबहादुरले त्यसो गरेको बैंकका प्रबन्धक शशीराम के.सी.ले बताए ।

प्रबन्धक के.सी.का अनुसार सप्पल प्रहारपछि एटिएम मेसिन बिग्रेको छ । नियन्त्रणमा लिईएका भीमबहादुर उपर आवश्यक अनुसन्धान भईरहेको प्रहरीले जनाएको छ ।

Tags :

प्रतिक्रिया दिनुहोस !

सम्बन्धित खबरहरु

प्रेसको आवरणमा लागुऔषधको धन्दा,पत्रकार महासँघ र प्रेस काउन्सिल तात्नुपर्यो
कोरोनाका कारण वरिष्ठ चिकित्सक आचार्यको निधन
राजदूत नियुक्ति :थोरै भित्र,धेरै बाहिर,शर्मिलाको दिल्ली जाने सुर
चलचित्र कलाकारहरुलाई पनि कोरोना संक्रमण