मन्त्रीको रिपोर्ट सामान्य,उपसचिवको सरुवा पनि त्यस्तै

संघीय मामिला तथा सामान्य प्रशासन मन्त्री गणेशसिंह ठगुन्ना हिजोसम्म कार्यालयमा अनुपस्थित रहेपछि सबैले उहाँलाई पनि कोरोना संक्रमण भएको आशंका गरे ।

नभन्दै आइतबार मन्त्रीका छोराको परीक्षण रिपोर्ट पोजिटिभ आयो तर,उहाँको भने रिपोर्ट नेगेटिभ आएको मन्त्रालय स्रोतले बताएको छ ।

चार पाँच दिनदेखि मन्त्री ठगुन्ना मन्त्रालय नआएपछि सबैले एउटै आशंका गरेका थिए । तर त्यसो नभएको उहाँको सचिवालय स्रोतले उल्लेख गरेको छ ।

यसैबीच मन्त्रालयले ९४ जना उपसचिवको पदस्थापन कार्य सिध्याएको छ । लोकसेवा आयोगको परीक्षा उत्तिर्ण गरेर आएकाहरूलाई विभिन्न आयोग, कार्यालय,निकायका रिक्त स्थानमा पदस्थापन गरिएको बताइएको छ ।

मन्त्रालयका एकजना सहसचिवले भने ‘यसपटक खाली ठाउँ देखाउँदै उनीहरूलाई पदस्थापन हुने ठाउँ रोज्न लगाएर पठाइयो ।’