माधव पक्षका थप तीन सांसदलाई म्यासेन्जरबाटै स्पष्टिकरण « janaaastha.com
२ जेष्ठ २०७८, आईतवार

माधव पक्षका थप तीन सांसदलाई म्यासेन्जरबाटै स्पष्टिकरण



प्रधानमन्त्री तथा एमाले अध्यक्ष केपी शर्मा ओलीले बरिष्ठ नेता माधवकुमार नेपाल पक्षका थप तीन सांसदलाई स्पस्टिकरण सोध्नुभएको छ । ओलीको निर्देशनमा कार्यालय सचिव शेरबहादुर तामाङमार्फत फेसबुक म्यासेन्जरबाट सांसदहरुलाई प्रस्टिकरण सोधिएको हो ।

सांसदहरु गङ्गा चौधरी,कलिला खातुन र समीना हुसेनलाई वैशाख १६ गते ‘अर्को पार्टीमा लाग्नु भएको हो ?’ भनेर स्पष्टिकरण सोधिएको हो । सांसद समिनाले १६ गते म्यासेन्जरबाट स्पष्टिकरण सोधिएको बताउनुभयो । ‘स्पष्टिकरण सोधिएको रहेछ । मलाई त थाहा पनि थिएन,कलिला माननीय ज्यूले भनेपछि थाहा पाएँ’, उहाँले भन्नुभयो ।

तीन दिनको समयसीमा तोकेर पठाएको स्पष्टिकरणको आफूले भोलिपल्टै जवाफ दिएको खातुनले बताउनुभयो । स्पष्टिकरणमा विधि,पद्धति र पार्टी हित विपरितका गतिविधिमा संलग्न रहेको र समानान्तर कमिटी बनाएको आरोप लगाइएको उहाँले जानकारी दिनुभयो ।

‘धेरै लामो छ । अहिले सबै भन्न सकिदैन । सार कुरा चैं पार्टी हित विपरित काम गरेको र समानान्तर गतिविधिमा लागेको भनिएको छ’, हुसेनले भन्नुभयो ।

आफू समानान्तर गतिविधिमा नलागेको र एमालेमै प्रतिवद्ध रहेकाले गलत प्रश्न उठाएर स्पष्टिकरण सोधिएको उहाँको तर्क छ । आफूले त्यहि व्यहोराको जवाफ पठाएको उहाँले बताउनुभयो ।

किन तपाईंहरु तीन जनालाई मात्र स्पष्टिकरण सोधियो भन्ने प्रश्नमा सांसद खातुनले आफूलाई पनि अचम्म लागेको जवाफ दिनुभयो । ‘खै किन सोधियो मलाई पनि थाहा छैन । म एमालेमै छु । पार्टीमै काम गरिरहेको छु । उहाँहरुलाई मनमा के लाग्यो । किन सोधियो कसरी भनौँ’,उहाँले भन्नुभयो ।

पार्टीको कुरालाई व्यक्तिगत जस्तो गरेर स्पष्टिकरण सोधिएकोमा उहाँले आपत्ति जनाउनुभयो । कर्णालीमा जस्तै फ्लोर क्रस हुनसक्ने आशंकाले स्पस्टिकरण सोधिएको हुनसक्ने उहाँको भनाइ छ । उहाँले २७ वैशाखमा आफूले प्रधानमन्त्रीलाई विश्वासको मत दिने पनि बताउनुभयो ।

यसअघि पनि अध्यक्ष ओलीले नेता नेपालसहित २७ सांसदलाई स्पष्टिकरण सोध्नुभएको थियो ।

Tags :

प्रतिक्रिया दिनुहोस !

सम्बन्धित खबरहरु

आफ्नै होटलमा सञ्चालककी श्रीमतीले गरिन् आत्महत्या
पूर्वमा कोरोनाको अवस्था बिकराल
प्रेसको आवरणमा लागुऔषधको धन्दा,पत्रकार महासँघ र प्रेस काउन्सिल तात्नुपर्यो
कोरोनाका कारण वरिष्ठ चिकित्सक आचार्यको निधन