कोरोनामा धुमधाम विवाह गर्नेलाई गलहत्याउने प्रहरी अधिकारी निलम्बित « janaaastha.com
२ जेष्ठ २०७८, आईतवार

कोरोनामा धुमधाम विवाह गर्नेलाई गलहत्याउने प्रहरी अधिकारी निलम्बित



भारतको त्रिपुरा राज्यका डिस्ट्रिक्ट मजिस्ट्रेट (डिएम) शैलेशकुमार यादवलाई राज्य सरकारले कानुन हातमा लिएर अभद्र व्यवहारको आरोपमा निलम्बन गरेको छ ।

कोभिड–१९ रोकथामका लागि सरकारले घोषणा गरेको स्वास्थ्य मापदण्ड विपरित एउटा परिवारले बिबाह कार्यक्रम गरेको भन्दै यादवले पार्टी स्थलमा मच्चाएको वितण्डाको भिडियो अहिले सामाजिक सञ्जालमा भाइरल भएको छ ।

भिडियोमा डिएम यादवले दुलाहा र दुलहीका साथै उनीहरूका परिवार र पाहुनाहरूमाथि अभद्र व्यवहार गर्नुका साथै रुखो स्वरमा उनीहरुलाई पार्टीस्थलबाट निकालेका थिए ।

उनले आफू मातहतका प्रहरीलाई बिबाहका पाहुनाहरूलाई कोभिड–१९ को प्रोटोकल उल्लंघन गरेको भन्दै कार्यक्रम स्थलबाट बाहिर निकाल्न र पक्राउ गर्न आदेश दिएका थिए । त्यसैगरी बिबाहस्थलमा रहेका पण्डितलगायत अन्य केहीमाथि हातपातसमेत गरेका थिए ।

बेहुला पक्षले बिबाह समारोह आयोजनाको लागि आफूहरुले प्रशासनबाट अनुमतिपत्र पाएको देखाउँदासमेत पुलिसका हाकिमले सबैको सामुन्ने धरधरी च्यातिदिएका थिए ।

डीएम यादवको हर्कतलाई लिएर सर्वत्र आलोचना भएपछि त्रिपुराका मुख्यमन्त्री विप्लवकुमार देववर्माले दुई वरिष्ठ आईएसएस अधिकारीहरू सम्मिलित छानबिन समिति गठनको आदेश दिएका हुन् ।

समितिसमक्ष बोल्दै यादवले भनेका छन् ‘कानून र सुव्यवस्था लागू गर्नु, कोभिड–१९ फैलनबाट रोक्नु मेरो कर्तव्य हो । मैले त्यो रात जे गरेँ ठीक गरेँ ।’ उक्त बैबाहिक समारोह मुख्यमन्त्रीका नातेदारको भएको बताइएको छ ।

Tags :

प्रतिक्रिया दिनुहोस !

सम्बन्धित खबरहरु

कोरोनाका कारण वरिष्ठ चिकित्सक आचार्यको निधन
राजदूत नियुक्ति :थोरै भित्र,धेरै बाहिर,शर्मिलाको दिल्ली जाने सुर
चलचित्र कलाकारहरुलाई पनि कोरोना संक्रमण
चुरे जंगलका निल गाई राजविराज सहरमा