फेरि वामदेवको दौडधुप शुरू: हिजो बिचौलिया भट्टसङ्ग, आज प्रचण्डसङ्ग « janaaastha.com
१ बैशाख २०७८, बुधबार

फेरि वामदेवको दौडधुप शुरू: हिजो बिचौलिया भट्टसङ्ग, आज प्रचण्डसङ्ग



पार्टी एकीकरणको नाममा नेकपा उपाध्यक्ष वामदेव गौतमले अध्यक्ष पुष्पकमल दाहाल प्रचण्डसँग केही समयअघि झण्डै एक घण्टा खुमलटारमा भेटवार्ता गर्नुभएको छ । अस्ति सर्वोच्च अदालतले प्रधानमन्त्री केपी शर्मा ओलीले गर्नुभएको प्रतिनिधिसभा विघटनको असंवैधानिक सिफारिश बदर गरेपछि हौसिनुभएका गौतम आज एकताको नाममा खुमलटार पुग्नुभएको हो ।

गौतमले हिजै साँझ सानेपाको घरमै पुगेर बिचौलिया दिपक भट्टसङ्ग पनि एक घण्टा सरसल्लाह गर्नुभएको थियो ।

अदालतको आदेशपछि पूर्णरूपमा रक्षात्मक अवस्थामा पुगेको प्रधानमन्त्री ओली समूह र प्रचण्ड-नेपाल खेमालाई नजिक्याउने भन्दै गौतम खुमलटार पुग्नुभएको स्रोतको दाबी छ । प्रधानमन्त्रीका विश्वासपात्र तथा साइबर सेनाका सेनापति महेश बस्नेतले हिजो गौतमको नामै किटेर पार्टी एकताको पहल गर्नसक्ने भनेपछि भएको गौतमको दौडलाई अर्थपूर्ण रूपमा लिइएको छ ।

गौतम निस्केपछि अहिले खुमलटारमा नेतृ पम्फा भुसालले अध्यक्ष दाहालसँग भेट गर्नुभएको छ ।


प्रतिक्रिया दिनुहोस !

सम्बन्धित खबरहरु

को घर गए,को राजदूत बन्ने दौडमा ?
वर्ष २०७७ निरर्थक भएन : प्रधानमन्त्री
मन्त्री ढकालकी दिदीको निधन
पत्रकारपछि इन्जिनियरमा अलग अलग प्यानल