पहिलो खेपको खोप आज दिउँसो ल्याईंदै

सरकारले हालै भारतको सेरम इन्स्टिच्युट अफ इण्डियासँग गरेको कोभिसिल्ड खोप खरिद सम्भौताबमोजिमको पहिलो खेपअन्तर्गत १० लाख डोज आज ल्याउँदै छ ।

नयाँ दिल्लीबाट दिउँसो काठमाडौं विमानस्थल आइपुग्ने एअर इण्डियाको विमानले उक्त खोप ल्याउने स्वास्थ्य मन्त्रालयले जनाएको छ ।
मन्त्रालयको विज्ञप्तिमा जनाइएअनुसार २३ गतेदेखि शुरु हुने अर्को चरणको खोप अभियानको लागि उक्त खोप प्रयोग हुनेछ ।

खोपलाई विमानस्थलबाट टेकुस्थित कोल्डरुममा भण्डारण गरिनेछ । बाँकी १० लाख डोज खोप यहि साताभित्र आइपुग्ने मन्त्रालय स्रोतले जनाएको छ ।