ओलीको बोली निर्लज्जताको पराकाष्ठा

सोमबार ट्वीट गर्दै पौडेलले भन्नुभएको छ,‘नागरिकमाथि गर्ने व्यवहार हेर्दा सरकार निर्लज्ज रुपमा प्रस्तुत भैरहेको छ । हरेक प्रतिगामी शासक र तानाशाह आफ्नो अन्तिम समयमा यसैगरी बरबराउने गर्छन् । जसरी अहिले प्रधानमन्त्री ओलीले आफ्ना विरोधी सबैलाई अपमानित गर्न तम्सिनुभएको छ ।’

उहाँले नागरिक आन्दोलनका अगुवाहरुमाथि सरकारले गरेको दमनको पनि कडा आलोचना गर्नुभएको छ । ‘सबै प्रतिगामी शासक र तानाशाह नागरिकमाथि आफ्नो अन्तिम घडीमा यसैगरी दमनमा उत्रने गर्दछ,’ उहाँले भन्नुभएको छ, ‘तर दमनले नागरिकलाई थप उर्जा प्रदान गर्दछ ।’  नेता पौडेलले प्रतिगमनका विरुद्ध हुने सबै आन्दोलनमा आफ्नो साथ र समर्थन रहने प्रतिवद्धता पनि जनाउनुभएको छ ।