राप्रपाले देखाएन रहर « janaaastha.com
५ असार २०७८, शनिबार

राप्रपाले देखाएन रहर



राष्ट्रिय प्रजातन्त्र पार्टी र राष्ट्रिय प्रजातन्त्र पार्टी (संयुक्त) बीचको एकीकरण छ महिनासम्म पनि पेण्डिङ्गमा छ ।

गत फागुन दोस्रो साता दुईवटै दलले एकीकरण गर्ने निर्णय गरेर चैत १० गते निर्वाचन आयोगमा निवेदन दर्ता गराएका थिए । कानुनतः ४५ दिनभित्र दल दर्ताको प्रक्रिया छिनोफानो गर्नुपर्ने व्यवस्था लकडाउनलाई देखाउँदै भदौ मसान्तसम्म आइपुगेको हो । आयोग स्रोतका अनुसार निवेदन हालेपछि राप्रपाको तर्फबाट एकीकरणको खोजीनीति गर्न चरोमुसो पनि कान्तिपथ पुगेन ।

आयोगले पनि आवश्यक कागजात नभएको र सर्वोच्चको आदेशबमोजिम लकडाउनलाई शून्य समय मान्दै साउन दोस्रो सातादेखि मात्र प्रक्रिया अघि बढाइदियो । यसबीच आवश्यक कागजातसहित आगामी आइतबार आफूहरू उपस्थित हुने जानकारी नेता दिपक बोहोराले आयोगलाई गराएको बताइएको छ ।

एकीकरण हुन चाहेका दुईवटै दलले आयोगमा अहिलेसम्म एकीकरण हुन गरिएको निर्णयको माइन्युट, सम्झौता, एकीकरणपछिको केन्द्रीय समितिको निर्णय, एकीकरणपछि बनाइएको दलको विधान, नियमावली तथा घोषणापत्र र एकीकरणअघिका दुईवटै दलका दल दर्ताको प्रमाणपत्र समेत हालसम्म पेश गरेका छै्नन् ।

यसअघि संघीय समाजवादी र राजपाले तोकिएको समयमा एकीकरणको काम सकिसकेका छन् भने एमाले पनि दर्ता भैसकेको छ । तर, लकडाउन र विविध कारण भनिएपनि आफैँभित्रको आन्तरिक किचलोले राप्रपाले आवश्यक कागजात पेश गर्न नसकेको स्रोतको दाबी छ ।


प्रतिक्रिया दिनुहोस !

सम्बन्धित खबरहरु

“जीरो ईरोर (डिफेक्ट्) सिण्ड्रोम” बाट ग्रसित नेपाली सेना
दलाए दलाए, अन्तिममा ढलाए
बाढी, पहिरोमा हालसम्म १५ को मृत्यु, १६ घाइते, २५ बेपत्ता
निर्वाचन आयोगमा नेताहरुको लर्को
Add

Scroll Up