शीतल निवासको नजरमा सरकार ‘सुरक्षित’

नेकपाको आन्तरिक राजनीति चुलिँदै जाँदा शीतल निवासमा दिनहुँ भेट्ने क्रम पनि बाक्लिएको छ । अधिकांशसँगको भेटमा नेकपाका दुई अध्यक्ष वीचको पछिल्लो निरन्तर भेटवार्तालाई शीतल निवासले अर्थपूर्ण ढंगले ‘मुलुक र जनताको हितमा गरिएको कार्य’ भनेको छ । जे जस्तो आरोह र अवरोह देखिएपनि नेकपामा विभाजन नआउने र वर्तमान सरकार सुरक्षित तवरले अघि बढ्ने विश्वास शीतल निवासले लिएको हालैको भेटमा जानेहरुले बताएका छन् ।

शीतल निवासको पछिल्लो धारणालाई विश्लेषण गर्दै शनिवारको भेटमा पुगेका एकजना बुध्दिजीवीले भने ‘राष्ट्रपतिको नजरमा सरकार विगतको तुलनामा निकै सुरक्षित हुँदै गएको छ ।’