दरबारमार्गमा नयाँ डिएसपी  « janaaasthanews
३० श्रावण २०७७, शुक्रबार

दरबारमार्गमा नयाँ डिएसपी 



१५ केजी सुन प्रकरणमा फितलो कमाण्ड कन्ट्रोलका कारण दरबारमार्ग प्रहरी बृत्तबाट हटाइएका डिएसपी रञ्जन दाहालको ठाउँ अर्का डिएसपी रामेश्वर पौडेल हाजिर भएका छन् ।

मंगलबार कमलादीस्थित नबिल बैंक अगाडि तस्करीको सुनसहित सवार स्कोरपियो जिपमा कारोबारीहरु फरार भएका थिए । डिएसपी दाहालले त्यस्तो स्थितमा आन्तरिक समन्वय गर्न नसक्दा सिंगो प्रहरी संगठनको छविमा प्रश्न उब्जाइएको थियो ।

उनलाई विहीबार अपराह्न दरबारमार्गबाट प्रहरी प्रतिष्ठानमा काज सरुवा गरिएको थियो । त्यहाँ हाजिर भएका डिएसपी पौडेल स्याङ्जाका बासिन्दा हुन् । निजामती सेवा परिवर्तन गरी उनी २०६२ सालमा प्रहरी इन्स्पेक्टर भर्ना भएका हुन् ।

उनी निजामती सेवाअन्तर्गत गृह मन्त्रालयमा शाखा अधिकृत थिए । केही जिल्लामा सहायक सिडिओका रूपमा जिम्मेवारी सम्हालिसकेका अधिकृत हुन् । मंगलबार दरबारमार्ग प्रहरीको लापरबाहीले उम्किएका सुन तस्करीमा संलग्न व्यक्तिहरुलाई बुधबार राति अपराध महाशाखाको टोलीले पक्राउ गरेको थियोे ।

उनीहरूको मुद्दासम्बन्धी कागजात दरबारमार्ग प्रहरीले टेकुस्थित प्रहरी परिसरलाई बुझाएको छ । अब यो मुद्दामाथि प्रहरी परिसरले थप अनुसन्धान गर्ने प्रहरीस्रोतले जनाएको छ ।


प्रतिक्रिया दिनुहोस !

सम्बन्धित खबरहरु

वामदेवको अबको बाटो
 नीतिगत विचलनको ‘श्रीगणेश’
बैंकमा कोरोना आतंक  
नेकपा विभाजनबारे अमेरिकाको सोधखोज !