नेकपामा अत्यन्त नमज्जा
प्रधानमन्त्री केपी ओलीले सभामुख अग्नीप्रसाद सापकोटालाई बोलाएर भनिसक्नुभएको छ, ‘संसदमा पोहोरै दर्ता भएर बसेको एमसिसी अघि बढाउनोस्, हैन भने तपाईंले सकेको तपाईं गर्नुस्, मैले सकेको म गर्छु !’
संसदमा नेकपाको झण्डै दुई तिहाई,तर सरकार कांग्रेससँगको साझेदारीमा !
केही दिनभित्रै राजनीतिक क्षितिजमा पटाक्षेप हुन लागेको यो कुनै काल्पनिक प्रसंग हैन,समकालीन अन्तरसंघर्षको सम्भावित परिदृश्य हो !
र,अर्को पनि आश्चर्यको खबर छ,संसदबाट अमेरिकी सहायता परियोजना एमसिसी ‘जसरी पनि’ पारित गराउने तयारी !
एमसिसी अनुमोदनसँगै जोडिएर आउन लागेको हो,नेकपामा अध्यक्ष केपी ओली समूह र नेपाली कांग्रेसबीचको सत्तासहकार्य !
यो घटनाको शुरुवातस्वरुप केही दिनमै नेकपा संसदीय दलको बैठक आह्वान हुनसक्छ ।
सम्भवतः असार १० गते, बुधबार बोलाइने भनिएको नेकपाको स्थायी कमिटी बैठक फेरि पनि कुनै न कुन बहानामा स्थगित भई उक्त बैठकको सट्टा एकैचोटि संसदीय दलको बैठक बोलाइन सक्छ ।
बैठकको अध्यक्षता दलका नेता तथा प्रधानमन्त्री केपी ओलीले हैन, उपनेता सुवास नेम्वाङले गर्ने सम्भावना पनि उत्तिकै छ ।
भर्खरैमात्र प्रधानमन्त्री केपी ओलीले सभामुख अग्नीप्रसाद सापकोटालाई बोलाएर भनिसक्नुभएको छ, ‘संसदमा पोहोरै दर्ता भएर बसेको एमसिसी अघि बढाउनोस्,हैन भने तपाईंले सकेको तपाईं गर्नुस्,मैले सकेको म गर्छु !’
एमसिसी अनुमोदनका लागि सबभन्दा बाधक बनेकै नेकपा नेतृत्व हो ।
संसदीय दलको बैठकमा उक्त प्रस्तावले सर्वसम्मत अनुमोदन नहुनेबारे प्रधानमन्त्री प्रष्ट हुनुहुन्छ । ‘यसकारण,त्यहाँ बहुमत र अल्पमतका आधारमा निर्णय गरिन सक्छ’, नेकपाका एक नेताले बताए ।
संसदमा पनि त्यहीअनुसार प्रस्ताव लगिने भएको छ । नेपाली कांग्रेसका ९० प्रतिशत सांसद एमसिसी अनुमोदनको पक्षमा छन् । तर,शेरबहादुर देउवाले बाँकी १० प्रतिशतको जिम्मा पनि आफूले लिने बताउनुभएको स्रोतले जनाएको छ ।
यति भएपछि नेकपा विभाजनप्रायः स्थितिमा पुग्छ ।
र, सरकार पुनर्गठन हुन्छ ।
‘एमसिसी विरोधी कित्ताका मन्त्रीहरु हटाइन्छन् र ती ठाउँमा नेपाली कांग्रेसले सिफारिस गरेका मन्त्री लगिन्छ’, स्रोतले बतायो ।
यसबारे प्रधानमन्त्रीले राष्ट्रपतिलाई जानकारी गराइसक्नुभएको श्रोतको दावी छ ।
राष्ट्रपतिले आफूले बोलाएर पुगे जतिका नेतासँग यो स्थिति नआओस् भन्ने सुझाव दिनुभएको बताइन्छ ।
यसबीच, राष्ट्रपतिले भेट्नका निम्ति वरिष्ठ नेता माधवकुमार नेपाल र झलनाथ खनाललाई समय छुट्याउनु भएको खबर छ ।
ट्रेन्डिङ पोस्ट
टिप्पणीहरू