‘फ्लोर क्रस’ गरेर मन्त्री बनेका नन्दसिंहले एकीकृत समाजवादी क्रस गरे

नेकपा एकीकृत समाजवादीका डोल्पा जिल्ला अध्यक्ष नन्दसिंह बुढा एमालेमा फर्किएका छन् । आज एमाले महासचिव शकंर पोखरेलले उनलाई पुन पार्टीमा स्वागत गरेका हुन् ।

’फ्लोर क्रस’ गरेर कर्णाली प्रदेशको उद्योग, पर्यटन, वन तथा वातावरणमन्त्री बनेका उनले आफू पुरानै घरमा फर्किएको बताएका छन् । यसअघि डोल्पामा समाजवादीका अधिकांश नेतालाई एमाले बनेको आरोप लागेको थियो ।

पछिल्लो समय जिल्लामा हरेक पार्टीका गतिविधिमा बुढाले एकलौटी गरेको भन्दै अर्का नेता हंसबहादुर शाही रुष्ट देखिएका थिए ।
एमालेका अनुसार एकीकृत समाजवादीको डोल्पा जिल्ला कमिटीका सदस्य, प्रदेश कमिटीका सदस्य र नगर तथा गाउँपालिका कमिटीका पाँच दर्जन कार्यकर्ताले पार्टी केन्द्रीय कार्यालयमा खादा र अबिर लगाएर पार्टी प्रवेश गरेका हुन् ।

उनीहरुलाई पार्टीमा स्वागत गर्दै महासचिव शंकर पोखरेलले गत स्थानीय तहको निर्वाचनले नेपालको मुख्य पार्टी कुन हो भन्ने कुराको निक्र्यौल गरिदिएको बताएका छन् ।