नेपाल एअरलाइन्सका करार कर्मचारी लागुऔषधसहित पक्राउ
त्रिभुवन अन्तर्राष्ट्रिय विमानस्थलको संवेदनशील स्थानसम्म पुग्ने पास भिरेका नेपाल वायुसेवा निगमका एक जन करार कर्मचारी लागुऔषध ओसारपसारमा समातिएका छन् । कर्मचारी अर्जुन कुँवरलाई प्रहरीको विशेष अनुसन्धान टोलीले पक्रेको हो ।
विमानस्थलको ‘ए’ र ‘सी’ क्षेत्रसम्म पुग्न सक्ने पास नम्बर एम ०८०५३ बोकेका कुँवरको साथबाट ८ ग्राम पोलेण्ड नाम दिइएको लागुऔषध फेला परेको हो ।
कुँवरलाई प्रहरीले नियन्त्रणमा लिएर थप अनुसन्धान थालिएको बताइन्छ । उनी सुनगाभा म्यानपावर एजेन्सीका तर्फबाट नेपाल वायुसेवामा करारतर्फ भर्ना भएका थिए ।
ट्रेन्डिङ पोस्ट
टिप्पणीहरू