टिकटका लागि देउवालाई दबाब दिन शेखरहरुको छुट्टै बैठक
समानुपातिकको बन्दसूचीमा संस्थापन पक्षले एकलौटी गरेको आरोप लगाइरहेको नेपाली कांग्रेसको शेखर कोइराला समूहका शीर्ष नेताहरु आज पनि छलफलमा जुटेका छन् । ठमेलको होटल यात्रीमा पूर्वसांसद जगदीश्वरनरसिंह केसीको समन्वयमा अहिले बैठक बसिरहेको छ ।
संस्थापन पक्षले समानुपातिक बन्दसूचीमा मनोमानी गरेको भन्दै कोइराला खेमा रुष्ट छ । निर्वाचन आयोगमा बुझाएको उक्त सूची सच्याउन माग गर्दै निरन्तर दबाबमूलक कार्यक्रम गरिरहेको सो समूहले आज पनि छुट्टै भेला गरेको हो ।
असन्तुष्ट समूहका नेताहरुले असोज १६ गतेसम्म बन्दसूची हेरफेर नभए विद्रोह गर्ने चेतावनीसमेत दिँदै आएका छन् । संस्थापनले सम्मानजनक व्यवहार नगरे चुनावमा असहयोग गर्नेदेखि बहिष्कारसम्मको योजना बनाएको शेखर समूहले त्यसैमा छलफल केन्द्रित गरेको बताइन्छ ।
टिप्पणीहरू