ट्राफिक नियम मिचेर गाडी चलाउने २८ सय ड्राइभर कारबाहीमा

ट्राफिक प्रहरीले काठमाडौँ उपत्यकामा ट्राफिक नियम उल्लंघन गर्ने झन्डै तीनहजार सवारी चालकलाई जरिवाना तिराएको छ । हिजो उपत्यकाको विभिन्न स्थानमा भएको चेकजाँचका क्रममा ट्राफिक नियम विपरित सवारी चलाउने दुई हजार ८४० जनालाई कारबाही गरिएको काठमाडौं उपत्यका ट्राफिक प्रहरी कार्यालयले जनाएको छ ।

कारवाहीमा पर्नेमा मादक पदार्थ सेवन गरी सवारी साधन चलाउने १४२, लेन अनुशासन पालना नगर्ने ८६ जना, रेड लाइटमा सवारी साधन चलाउने ६६ जना, निषेधित क्षेत्रमा हर्न बजाउने १७५ र नम्वर प्लेट राम्रोसँग नराख्ने ३६ जना सवारी चालक रहेका छन् ।

त्यसबाहेक अन्य ट्राफिक नियम उलंघन गरेका दुई हजार ३३५ जना सवारी चालकलाई पनि कारबाही गरेको ट्राफिक कार्यलये जनाएको छ ।