सम्पत्ति शुद्धिकरणले कसैलाई नछाड्ने, मलेसियाका पूर्वप्रधानमन्त्रीले १२ वर्ष जेल बस्नुपर्ने
विश्वव्यापी रुपमा गैरकानुनी रुपमा आर्जिक सम्पत्तिको जालो तोड्न विभिन्न प्रयास भएका छन् । नेपालमा पनि सम्पत्ति शुद्धिकरण सम्बन्धी कानुनमा पर्सिसम्म संशोधन नभए मुलुक आगामी अक्टोबरदेखि अन्तर्राष्ट्रिय कारोबारमा कालोसूचीमा पर्ने छ ।
नेपालबाट सँधै डलर विदेशमा ओसार्ने तर यता कडौं नल्याउने केही व्यापारीहरु सम्पत्ति शुद्धिकरण सम्बन्धी कसिलो प्रावधानलाई रोक्न पुनः ज्यान फालेर लागेका छन् । यो कार्यमा डलर अर्बपति विनोद चौधरीमाथि आरोप लागेको छ ।
उता मलेसियाका प्रधानमन्त्री नजिब रजाकलाई गैरकानुनी सम्पत्ति जोडेको आरोपमा १२ वर्षे जेल जीवनको सजाय सुनाइएको छ । चार दशकभन्दा बढी सार्वजनिक जीवनका विभिन्न ओहोदामा रहँदा रजाकले करोडौं डलर विदेश पुर्याएको प्रमाणित भएको छ । सोही आरोपमा उनकी खर्चालु र ‘लक्जरी लभिङ वाइफ’ रस्मा मन्सुरलाई पनि १० वर्षको कारावास सजाय सुनाइएको छ ।
उनलाई विदेशी मुद्रा डकैती गरेको आरोपमा २१ करोड ६० लाख अमेरिकी डलर जरिवाना समेत सुनाइएको छ । सन् २०१६ मा अमेरिकी न्याय मन्त्रालयले गरेको अनुसन्धानमा तत्कालीन प्रधानमन्त्री नाजिबले सरकारी लगानी कोषबाट ७३ करोड १० लाख अमेरिकी डलर आफ्नो खातामा सारेका थिए । त्यतिबेला उक्त कोषको रकमध्ये चार अर्ब ५० करोड अमेरिकी डलर हराएको थियो ।
टिप्पणीहरू