रेडियोमा रमिता, अन्नपूर्णमा हेरफेर « Jana Aastha News Online
Logo
१४ मंसिर २०७८, मंगलवार
|  Tue Nov 30 2021

रेडियोमा रमिता, अन्नपूर्णमा हेरफेर

प्रकाशित मिति :  २८ जेष्ठ २०७७, बुधबार १९:००


७० बर्ष पुरानो सरकारी स्वामित्वको एकमात्र श्रव्य प्रशारण संस्था रेडियो नेपालमै प्रधानमन्त्रीलाई ‘भष्मासुर’ भन्दै प्रशारित एक अन्तर्वार्ता अन एयर गरेवापत ३२ पेजको स्पस्टिकरण बुझाउने कार्यकारी निर्देशक सुरेशकुमार कार्कीले राजीनामा दिएका छन् ।

उनले हिजो जेठ २७ गते सञ्चार मन्त्रालयमा राजीनामा बुझाएका हुन् ।

कार्की पेशाले कानुन व्यवसायी हुन् ।

वैशाख १५ गते बेलुकीको प्रशारणमा नवराज लम्सालले पूर्वप्रधानमन्त्री डा.बाबुराम भट्टराईको अन्तर्वार्ता लिएका थिए ।

डा.भट्टराईले प्रधानमन्त्री केपी शर्मा ओलीलाई ‘खस समुदायको मात्र पक्षपोषण गरेको’ भन्दै ‘भष्मासुर’ भनेपछि त्यसले चर्को रुप लिएको थियो ।

यो प्रकरणमा बालुवाटारबाटै कार्यकारी निर्देशक कार्कीको राजीनामा मागिएको थियो ।

त्यसबाहेक रेडियो नेपालको भैसेपाटीको जग्गा संरक्षण गर्न र आफ्नै श्रोत जुटाएर कर्मचारीलाई तलब ख्वाउन नसकेको विवादमा कार्की मुछिएका थिए ।

पहिलोपटक डा. बाबुराम भट्टराई प्रधानमन्त्री हुँदा ०६९ मंसिर १९ मा उनी कार्यकारी निर्देशक नियुक्त भएका हुन् ।

०७३ मा ४ वर्षे कार्यकाल सकिएपछि उनले फेरि सोही पदका लागि आवेदन गरे ।

त्यसबेला तत्कालीन माओवादी नेता राम कार्की सञ्चारमन्त्री थिए ।

उक्त पदमा माओवादीसम्बद्ध प्रचारक्षेत्रका कार्यकर्ताले पनि आवेदन गरेका थिए ।

तर, मन्त्रीको बलमा कार्की पुनः कार्यकारी निर्देशक नियुक्त भए ।

उनको ठाउँमा नियुक्त हुन अहिले गोपाल खनाल र दिपक पाठक पनि इच्छुक रहेको बताइन्छ ।

यसैवीच अन्नपूर्ण पोस्ट दैनिकबाट प्रधान सम्पादक हरिबहादुर थापाले राजीनामा दिएको र सम्पादक अखण्ड भण्डारीको बढुवा हुन लागेको खवर छ ।


प्रतिक्रिया दिनुहोस !