आफ्नो पार्टीले डेढ सय सिट जित्ने एमाले अध्यक्षकोे दाबी

नेकपा एमालेका अध्यक्ष केपी शर्मा ओलीले आगामी निर्वाचनमा आफ्नो पार्टी एक्लैले एक सय ५० सित जित्ने दाबी गर्नु भएको छ । कञ्चनपुरमा आयोजित कार्यक्रमलाई सम्बोधन गर्दै उहाँले समानुपातिक र प्रत्यक्षतर्फ गरेर उक्त संख्यामा आफ्नै बलबुताले जित्ने बताउनुभएको छ ।

उहाँले भन्नुभयो, ’अरूको बैशाखी टेकेर होइन, पैसा खर्च गरेर होइन, हामी आफ्नै बलबुतामा जनताले भोट हालेर जित्छौँ ।’ गठबन्धनसँग नेता मात्रै र जनता एमालेसँग रहेको जिकिर ओलीले गर्नुभयो ।

सरकारमा रहेका दलका नेता कार्यकर्ता आफ्नो पार्टीमा प्रवेश गर्ने लहर चलेको बताउँदै ओलीले आफ्नो लागिभन्दा पनि देशका लागि एमालेले बहुमत ल्याउनुपर्ने दबाबमा रहेको उल्लेख गर्नुभएको छ ।