कानुनमन्त्रीले ल्याए च्यातेर फाल्ने एमाले अध्यक्षको चेतावनी
नेकपा एमालेका अध्यक्ष केपी शर्मा ओलीले कानुनमन्त्री गोविन्दप्रसाद शर्मा कोइराला बन्दी अनावश्यक कानुन बनाएर हिरो बन्न खोजेको आरोप लगाउनुभएको छ । उहाँले सरकारले ल्याउन खोजेको संक्रमणकालीन न्यायसम्बन्धी विधेयकमा आपत्ति जनाउँदै उक्त आरोप लगाउनुभएको बताइन्छ ।
हिजो राजधानीमा आयोजित एमाले प्रवेश कार्यक्रममा बोल्दै उहाँले सत्य निरुपणसम्बन्धी विधेयकमाथि आपत्ति जनाउनुभएको हो । ओलीले भन्नुभयो, ‘कानुनमन्त्रीले हिरो हुने नाममा पीडितहरुमाथि दमन गरेर ल्याउन खोजिएको विधेयकमाथि हाम्रो समर्थन हुने छैन । जबर्जस्ती ल्याइए च्यातेर फालिने छ ।’
हिजै अध्यक्ष केपी शर्मा ओलीले सिन्धुपाल्चोकका माओवादी नेता कार्यकर्तालाई पार्टी प्रवेश गराउँदै लिम्पियाधुरा, लिपुलेक र कालापानीलाई समेटेर नेपालले जारी गरेको नक्साको सन्दर्भ पनि उठाउनुभएको छ । उहाँले उक्त नक्सा भारतलाई मन नपरेको उल्लेख गर्दै भन्नुभयो, ‘भारतलाई मन पर्छ कि पर्दैन होइन, मन पर्नैपर्छ, जमिन पनि फिर्ता गरिनेछ ।’
टिप्पणीहरू