माओवादी बैठक हिजो तीनचोटी सरेर अहिले बस्दै

हिजोको लागि तय भएको सत्तारुढ दल नेकपा माओवादी केन्द्रको स्थायी कमिटी बैठक तीन पटक स्थगित भएपछि आज बिहान ८ बजे बस्दैछ । हिजो बिहान ९ बजेका लागि बोलाइएको बैठक पटक–पटक स्थगित गर्दै आज बिहान ८ बजेका लागि सारिएको थियो ।

अध्यक्ष पुष्पकमल दाहाल प्रचण्डको व्यस्तताका कारण बिहानको बैठक दिउँसो ३ बजेका लागि तोकिएकोमा प्रतिनिधिसभा बैठकमा नागरिकता विधेयकसम्बन्धी छलफलका कारण पुनः साँझ ६ बजेसम्मका लागि स्थगित भएको थियो ।

आज बिहान साढे ८ बजे पार्टी मुख्यालय पेरिसडाँडामा बस्नेगरी हिजो साँझको बैठक पनि स्थगित भएको हो ।

माओवादी स्थायी कमिटीमा अध्यक्ष प्रचण्डले पोलिब्युरो, स्थायी कमिटी र पदाधिकारीको नाम प्रस्ताव गर्ने कार्यसूची रहेकाले हिजोदेखि स्थगित हुँदै आएको बैठकलाई सबैले चासोका साथ हेरेका छन् ।