ग्लोबल आइएमई बैंकको अनलाइन भिडियो मार्फत ग्राहक पहिचान सेवा « Jana Aastha News Online
Logo
१५ आश्विन २०७९, शनिबार
|  Sat Oct 1 2022
Logo
१५ आश्विन २०७९, शनिबार
|  Sat Oct 1 2022

ग्लोबल आइएमई बैंकको अनलाइन भिडियो मार्फत ग्राहक पहिचान सेवा

प्रकाशित मिति :  १ भाद्र २०७९, बुधबार १९:२५


ग्लोबल आइएमई बैंक लिमिटेडले अनलाइन भिडियो मार्फत ग्राहक पहिचान (भीकेवाईसी) सेवाको सुरुवात गरेको छ । यो सेवाको सुरुवातपछि बैंकका नयाँ ग्राहकले अनलाइन मार्फत् खाता खोलेर भिडियो केवाईसी मार्फत आफ्नो परिचयबाट खाता सुचारु गर्न सक्नेछन् ।

बैंकमा नयाँ खाता खोल्ने ग्राहकले खाता खोल्न, केवाईसी फारम भर्न अब बैंक धाउन नपर्ने भएको छ । नयाँ खाता खोल्दा आवश्यक पर्ने कागजात प्रमाणित गर्न तथा ग्राहक पहिचानको निम्ति अनलाइन भिडियो बाटै गर्न सकिने बैंकले जनाएको छ ।

बैंकले ग्राहकलाई अनलाइन खाता खोल्ने सुविधा दिइरहेको सन्दर्भमा भिडियो केवाईसी थप प्रभावकारी हुने बताइएको छ । यो सेवाबाट फरक क्षमता भएका व्यक्तिगत ग्राहक, विदेशमा बसोबास गर्ने नेपाली नागरिकले विश्वको कुनै पनि स्थानबाट भिडियो केवाईसी सेवा मार्फत् बैंकमा खाता खोल्न सक्नेछन् ।

मुलुकका सबै जिल्लामा दुई सय ८९ शाखा रहेको मुलुकको पहिलो निजी क्षेत्रको बैंकले २७० एटीएम, २७५ शाखारहित बैंकिङ्ग सेवा, ५२ एक्सटेन्सन तथा राजश्व संकलन काउन्टर र तीन वटा वैदेशिक प्रतिनिधि कार्यालयसमेत गरी आठ सय ८१ भन्दाबढी सेवा केन्द्रबाट ३० लाखबढी ग्राहकहरू माझ सेवा प्रदान गरिरहेको छ ।

बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरब, कतार, युएई, बहराइन, कुवेत, भारत, जोर्डन, हङकङलगायत मुलुकबाट रेमिट्यान्स भित्र्याउँदै आएको जारी विज्ञप्तिमा उल्लेख छ ।


प्रतिक्रिया दिनुहोस !