३० वर्षे सिडियोलाई ५० वर्षे कर्णेलको सलाम « Jana Aastha News Online
Logo
१२ आश्विन २०७९, बुधबार
|  Wed Sep 28 2022
Logo
१२ आश्विन २०७९, बुधबार
|  Wed Sep 28 2022

३० वर्षे सिडियोलाई ५० वर्षे कर्णेलको सलाम

प्रकाशित मिति :  २ भाद्र २०७९, बिहीबार ०९:००


Photo: Google/Agency

सुरक्षा अंगका कतिपय पदसँग मर्यादाक्रममा माथि भए पनि तलबमान नमिलेको भन्दै उपसचिव स्तरका कर्मचारीको हस्ताक्षर गराई निजामती कर्मचारी (राजपत्रांकित) ले भारी तलब बृद्धिको प्रस्ताव पठाएका थिए । तर, यो सूचना नासुहरूले थाहा पाएपछि चर्को आन्दोलन गरे र अर्थमन्त्रीलाई निर्णय फिर्ता लिने प्रतिबद्धता जनाउन लगाए । विगतमा निजामती कर्मचारीको राजपत्रांकिततर्फ शाखा अधिकृत, सहायक सचिव, उपसचिव, सहसचिव, सचिव र मुख्यसचिव दर्जा थिए ।

सेनामा भने सेकेण्ड लप्टन (सहायक सेनानी), उपसेनानी (लप्टन), सहसेनानी (क्याप्टेन), (राजपत्रांकित तृतीय) सेनानी (मेजर) र प्रमुख–सेनानी (लेफ्टिनेन्ट कर्णेल), (राजपत्रांकित द्वितीय) महासेनानी (फूल कर्णेल), सहायकरथी (राजपत्रांकित प्रथम) (ब्रिगेडियर), उपरथी (मेजर जनरल), रथी (लेफ्टिनेन्ट जनरल) र प्रधानसेनापति विशिष्ट कायम गरिएको छ । नेपाल प्रहरी, सशस्त्र प्रहरी, राष्ट्रिय अनुसन्धानमा निरीक्षक, (राजपत्रांकित तृतीय) नायब उपरीक्षक, उपरीक्षक (राजपत्रांकित द्वितीय) प्रहरी वरिष्ठ उपरीक्षक, नायब महानिरीक्षक (राजपत्रांकित प्रथम) अतिरिक्त महानिरीक्षक, महानिरीक्षक (विशिष्ट) ३ वटै संगठनमा यसप्रकारको प्रावधान छ । यसरी ५०–६० वर्षदेखि मर्यादाक्रमभन्दा पनि तहगत हिसाबमा तलबमान कायम भई आएको हो ।

नेपाली सेनामा राजपत्रांकित तृतीयमा ३ पद, द्वितीयमा २ पद, प्रथममा २ पद र विशिष्टतर्फ ३ पद कायम रहेको छ । प्रहरी, सशस्त्र, राष्ट्रिय अनुसन्धानमा राजपत्रांकित तृतीयतर्फ १ पद, द्वितीयमा २ पद, प्रथममा २ पद, विशिष्टमा ३ पद छ । यी निकायमा तृतीय श्रेणीमा १२–१३ वर्ष सेवा गरेपछि योग्यको द्वितीय श्रेणीमा पदोन्नति हुन्छ । द्वितीय श्रेणीबाट ७–८ वर्षपछि द्वितीय श्रेणीको माथिको पदमा पदोन्नति हुन्छ र प्रथम श्रेणीमा उक्लन ४–५ वर्ष लाग्छ । प्रथम श्रेणीबाट ३–४ वर्षमा विशिष्ट श्रेणीमा जाने व्यवस्था छ । निजामतीतर्फ तृतीयबाट ५–६ वर्षमै द्वितीय र प्रथम श्रेणीमा त झन् ६–७ वर्षमै पदोन्नति हुन्छ । प्रथम श्रेणीबाट विशिष्टमा जान ८–१० वर्ष लाग्छ । यता प्रथम श्रेणीतर्फ खुला प्रतियोगितामा भाग लिएर सेवा प्रवेश गरेको ८–१० वर्षमै प्रथम श्रेणी हुने अवसर छ भने सुरक्षा अंगमा उक्त अवसर छैन । २६–३७ वर्षमै सहसचिव हुने कति छन् कति ! २८–२९ वर्ष सेवा गरेको सुरक्षा अंगको पदाधिकारीभन्दा १०–११ वर्षको जागिरे निजामती कर्मचारीलाई मर्यादाक्रममा अगाडि राखिएको छ । ३० वर्षको सिडियोलाई ५० वर्षको कर्णेलले सलाम ठोकेकै छ । खै यो यथार्थ बुझेको ?

– रामशरण कार्की, सेवानिवृत्त राष्ट्रसेवक


प्रतिक्रिया दिनुहोस !